بٷگٸن فۋتبولدان پرەمەر-ليگا كوماندالارى اراسىنداعى قازاقستان چەمپيوناتىنىڭ توعىزىنشى تۋرى مەرەسٸنە جەتتٸ, دەپ حابارلايدى "ۇلت اقپارات".
اتالعان تۋرداعى سوڭعى ويىن پەتروپاۆلدىڭ «قىزىلجار» جەنە الماتىنىڭ «قايرات» كوماندالارى اراسىندا ٶتتٸ. كەزدەسۋ تاعدىرىن شەشكەن گول 27-مينۋتتا سوعىلدى. ونى «قايرات» شابۋىلشىسى ابات ايىمبەتوۆ ٶزٸنٸڭ ەنشٸسٸنە جازدى.
شابۋىلشى بيىلعى دوپ دوداسىنداعى بەسٸنشٸ گولىن سوقتى. كەزدەسۋدە «قايرات» قارسىلاسىنان 1:0 ەسەبٸمەن باسىم تٷستٸ.
وسىلايشا الماتىلىق كلۋب التىنشى ويىن قاتارىنان جەڭٸسكە جەتٸپ وتىر. قازٸر ولاردىڭ ەنشٸسٸندە 24 ۇپاي بار. ەكٸنشٸ ورىنداعى «استانادان» بەس ۇپايعا ۇزاپ كەتتٸ.
بۇل تۋرداعى ٶزگە ويىنداردا «وقجەتپەس» پەن «كاسپيي» 2:2, «ورداباسى» مەن «قايسار», «استانا» مەن «شاحتەر» 1:1 ەسەبٸمەن تەڭ تٷسسە, «جەتٸسۋ» «تارازدى» 2:0 ەسەبٸمەن تٸزە بٷكتٸردٸ.
ەندٸ ونىنشى تۋر ويىندارى 22, 23, 24 قىركٷيەك كٷندەرٸ ٶتكٸزٸلەدٸ.
«توبىل» مەن «وقجەتپەس» 22 قىركٷيەكتە ٶتكٸزٸلسە, 23 قىركٷيەكتە «كاسپيي» مەن «تاراز», 24 قىركٷيەكتە «جەتٸسۋ» مەن «شاحتەر», «ورداباسى» مەن «قىزىلجار», «قايسار» مەن «استانا» كوماندالارى كەزدەسەدٸ.
