قوستاناي وبلىسىندا 2022 جىلعى تابيعي ٶرتتەن زارداپ شەككەن امانقاراعاي ورمانىن قالپىنا كەلتٸرۋگە ارنالعان اۋقىمدى ۆولونتەرلٸك شارا ٶتتٸ. AGROMASH جەنە Allur ماشينا جاساۋ كەسٸپورىندارىنىڭ 300-دەن استام قىزمەتكەرٸ 5 مىڭنان اسا قاراعاي كٶشەتٸن وتىرعىزدى. اكتسييانىڭ باستاماشىسى – جۇمىسشى جاستاردىڭ كٷشٸمەن قۇرىلعان «ەڭبەك جاستارى» قوزعالىسى.
ٸس-شارا قازاقستان رەسپۋبليكاسى پرەزيدەنتٸ قاسىم-جومارت توقاەۆتىڭ باستاماسىمەن جٷزەگە اسىرىلىپ جاتقان جالپىۇلتتىق «تازا قازاقستان» ەكولوگييالىق باعدارلاماسى اياسىندا ٶتتٸ. باعدارلاما ەكولوگييالىق مەدەنيەتتٸ قالىپتاستىرۋعا, تابيعاتتى ساقتاۋ مەسەلەلەرٸ تٶڭٸرەگٸندە قوعامدى بٸرٸكتٸرۋگە جەنە ەلدٸڭ ەكولوگييالىق تەپە-تەڭدٸگٸن قالپىنا كەلتٸرۋگە باعىتتالعان.
امانقاراعاي ورمانى – قازاقستانداعى ماڭىزدى تابيعي نىسانداردىڭ بٸرٸ. كەسٸپورىن قىزمەتكەرلەرٸنٸڭ كٶپشٸلٸگٸ ٷشٸن ورماندى قالپىنا كەلتٸرۋگە اتسالىسۋ تەك ازاماتتىق جاۋاپكەرشٸلٸك قانا ەمەس, جٷرەككە جاقىن جەكە وقيعاعا اينالعان. 2022 جىلى دەل وسى ازاماتتار حالىقتى ەۆاكۋاتسييالاۋعا جەنە الاپات ٶرت سالدارىن جويۋعا قاتىسقان بولاتىن.
AGROMASH زاۋىتىنىڭ پرەزيدەنتٸ دينارا شٷكٸجانوۆا ورماندى قالپىنا كەلتٸرۋگە قاتىسۋ تٶتەنشە جاعداي كەزٸندە ٶڭٸر تۇرعىندارىنىڭ بٸر-بٸرٸنە كٶرسەتكەن قولداۋىنىڭ جالعاسى ەكەنٸن اتاپ ٶتتٸ:
«امانقاراعايدا ٶرت لاپىلداپ جاتقاندا, بٸز بەيجاي قاراپ وتىرا المادىق. بۇل – مەنٸڭ تۋعان جەرٸم, سول كەزدە جٷرەگٸمٸز قان جىلادى. جالىن جاقىنداپ قالعان ٷيلەردٸڭ ەسٸگٸن قاعىپ, ادامدارعا زاتتارىن جيناۋعا كٶمەكتەستٸك, العاشقى مەديتسينالىق كٶمەك كٶرسەتتٸك. ەسكە الۋدىڭ ٶزٸ قورقىنىشتى, بٸراق ۇمىتۋ مٷمكٸن ەمەس – ەر جولى كٷيٸپ كەتكەن اعاشتاردىڭ جانىنان ٶتكەندە جان اۋىرادى. بٷگٸن بٸز بۇل جەرگە باسقا ماقساتپەن كەلدٸك – جوعالعان دٷنيەنٸ قايتا قالپىنا كەلتٸرٸپ, ٶڭٸردٸڭ بولاشاعىنا ٷلەس قوسۋ ٷشٸن كەلدٸك».
شارا بارىسىندا ۆولونتەرلٸك باستامالار مەن جاستار قوزعالىستارىنىڭ ەلدەگٸ ەكولوگييالىق كٷن تەرتٸبٸن جٷزەگە اسىرۋداعى رٶلٸنە ەرەكشە نازار اۋدارىلدى. ۇيىمداستىرۋشىلاردىڭ ايتۋىنشا, مۇنداي جوبالار جاۋاپكەرشٸلٸك مەدەنيەتٸن قالىپتاستىرىپ, ادامداردى جاسامپاز قۇندىلىقتار تٶڭٸرەگٸندە بٸرٸكتٸرەدٸ جەنە ٸس جٷزٸندەگٸ پاتريوتيزمنٸڭ ٷلگٸسٸنە اينالادى.
«ەڭبەك جاستارى» قوعامدىق, ەلەۋمەتتٸك جەنە ەكولوگييالىق جوبالارعا قاتىساتىن كەسٸپورىنداردىڭ جاس ماماندارىن بٸرٸكتٸرەدٸ.
Allur زاۋىتىنىڭ ماشينالىق-كونتاكتىلى دەنەكەرلەۋ شەبەرٸ دياس بەرٸكوۆ:
«بٸزدٸ تۋعان ٶڭٸرٸمٸز ٷشٸن پايدالى ٸس جاساپ, ورماندى قالپىنا كەلتٸرۋگە ناقتى ٷلەس قوسۋعا دەگەن قاراپايىم نيەت بٸرٸكتٸردٸ. ٶز قولىڭمەن كٶشەت وتىرعىزعاندا, بولاشاق ۇرپاققا نە قالدىراتىنىڭ ٷشٸن جاۋاپكەرشٸلٸكتٸ ٶزگەشە سەزٸنەسٸڭ. بٸز ٶندٸرٸستە ٷنەمٸ بٸر نەرسە جاساپ, قۇرىپ ٷيرەنگەنبٸز, بٸراق زاۋىتتان تىس جەردە دە – ٶز جەرٸڭ مەن مەملەكەتٸڭ ٷشٸن يگٸ ٸس جاساۋ ماڭىزدى. مەن ٷشٸن پاتريوتيزم – قۇر سٶز ەمەس, ناقتى ەرەكەت. بٷگٸن بٸز دەل وسىنداي ماڭىزدى ٸس ٷشٸن جينالدىق», – دەدٸ.
كەسٸپورىن قىزمەتكەرلەرٸ ەكولوگييالىق اكتسيياعا قاتىسۋ ٶڭٸردٸڭ دامۋىنا ناقتى ٷلەس قوسىپ, ەكولوگييا مەن تۇراقتى دامۋ سالاسىنداعى ماڭىزدى مەملەكەتتٸك باستامالاردى قولداۋعا مٷمكٸندٸك بەرگەنٸن اتاپ ٶتتٸ.
«سەميوزەرنوە ورمان شارۋاشىلىعى مەكەمەسٸ» كمم باسشىسى رينات سەردەنباەۆ بيزنەس پەن ۆولونتەرلٸك قاۋىمداستىقتىڭ ٶڭٸر ەكوجٷيەسٸن قالپىنا كەلتٸرۋدەگٸ ماڭىزىن ەرەكشە اتادى:
«ٶرتتەن كەيٸن تٶرت جىل ٶتكەن سوڭ امانقاراعاي تابيعاتى بەلسەندٸ تٷردە ٶزٸن-ٶزٸ قالپىنا كەلتٸرۋ كەزەڭٸنە ٶتتٸ. ۇيقى كٷيٸندە جاتقان قاراعاي تۇقىمدارى جاپپاي ٶنە باستادى, دەگەنمەن ورمانعا بٸزدٸڭ كٶمەگٸمٸز قاجەت. وتىرعىزۋ ٷشٸن بٸز ەكٸ جىلدىق كٶشەتتەردٸ پايدالانامىز. ٸرٸ اعاشتارعا قاراعاندا ولار جەرگٸلٸكتٸ توپىراققا تەز بەيٸمدەلٸپ, وسى جەرمەن بٸتە قايناسىپ كەتەدٸ, بۇل ولاردىڭ جاقسى جەرسٸنۋٸنە كەپٸل بولادى. بۇل – ۇزاق جول, بٸراق بٸز بولاشاق ۇرپاق ٷشٸن ەڭبەك ەتٸپ جاتقانىمىزدى تٷسٸنەمٸز جەنە بۇل جۇمىسىمىزعا ەرەكشە مەن بەرەدٸ. مۇنداي باستامالار قوعامدى تابيعي مۇرانى ساقتاۋ جولىنداعى ورتاق ماقساتقا بٸرٸكتٸرەتٸندٸكتەن ٶتە ماڭىزدى. ەسٸرەسە ەڭبەك ۇجىمدارى مەن جاستاردىڭ بەلسەندٸ قاتىسىپ جاتقانى قۋانتادى», – دەدٸ.
ەسكە سالايىق, 2022 جىلعى قوستاناي وبلىسىنداعى تابيعي ٶرتتەر ٶڭٸر تاريحىنداعى ەڭ ٸرٸ اپاتتاردىڭ بٸرٸ بولدى. سونىڭ سالدارىنان شامامەن 25 مىڭ گەكتار ورمان قورى زارداپ شەكتٸ.
