بٷگٸن قوستانايدا 120 پەتەردٸڭ كٸلتٸ تاپسىرىلدى. بۇل ماقساتتا بٸردەن ەكٸ ٷي پايدالانۋعا بەرٸلٸپ وتىر. نىساندار «نۇرلى جەر» باعدارلاماسىنىڭ اياسىندا سالىنعان. پەتەرلەردٸڭ جارتىسى, ياعني ەلۋ پايىزى تۇرعىن ٷي قۇرىلىس جيناق بانكٸ سالىمشىلارىنىڭ اراسىندا بٶلٸستٸرٸلدٸ, ال قالعان 50%-ى ەكٸمدٸكتە ٷي كەزەگٸندە تۇرعان ادامدارعا بەرٸلدٸ, دەپ حابارلايدى ۇلت.كز تٸلشٸسٸ.
بٸر بٶلمەلٸ پەتەردٸڭ كٸلتٸن الىپ, قونىس تويىن تويلاعانداردىڭ بٸرٸ – 24 جاستاعى عازيزا كٶپجاساروۆا. عازيزا قوستاناي وبلىسى, مەڭدٸقارا اۋدانى, كراسنايا پرەسنيا اۋىلىندا تۇرادى. مەڭدٸقارا اۋداندىق ورتالىق اۋرۋحاناسىندا (كمك) فەلدشەر بولىپ جۇمىس ٸستەيدٸ. ول تۇرعىن ٷي قۇرىلىس جيناق بانكٸندەگٸ ەسەپشوتىن 2014 جىلى قازان ايىندا اشقان ەكەن. وسى ۋاقىتتىڭ ٸشٸندە عازيزا 1 بٶلمەلٸ پەتەردٸڭ 30%-ىن, ياعني, 1 600 000 تەڭگەسٸن جيناپ, جاڭا پەتەر يەسٸ اتانىپ وتىر.
- 2014 جىلى جۇمىسقا تۇرىپ, بەلگٸلٸ بٸر تابىسىم بولعان سوڭ تۋىس ەپكەلەرٸم, اپالارىم تۇرعىن ٷي قۇرىلىس جيناق بانكٸنەن ەسەپشوت اش دەپ كەڭەس بەردٸ. العاشىندا اي سايىن ەسەپشوتىما 25 000 تەڭگەدەن سالىپ وتىردىم. ەكٸ جىلدان كەيٸن جالاقىم كٶتەرٸلدٸ. سوسىن 40 000 تەڭگەدەن سالا باستادىم, - دەيدٸ ول.
جاس ماماننىڭ ايتۋىنشا, ول اي سايىن اقشا سالىپ تۇرۋدىڭ ارقاسىندا باسپانالى بولا الاتىنىن جەتە تٷسٸنگەن.
- 3 جىلدىڭ ٸشٸندە بٸر بٶلمەلٸ پەتەر باعاسىنىڭ 30%-ىن جيناپ قويدىم. تيٸستٸ قادامداردىڭ بەرٸن ورىنداعان سوڭ ينتەرنەت ارقىلى بايقاۋ نەتيجەسٸن قاداعالاپ وتىردىم. ماقساتىم ايقىن بولعاندىقتان, نەتيجەنٸ كٶرگەندە قاتتى تاڭعالعان جوقپىن. بٸراق, ەرينە ٶتە قۋاندىم. جاس بولعان سوڭ قالادا تۇرعىم, جۇمىس ٸستەگٸم كەلەتٸن. مٸنە, بٷگٸن سول ارمانىم ورىندالىپ جاتىر. ونىڭ ٷستٸنە جاڭا پەتەردٸڭ ورنالاسقان جەرٸ دە كٶڭٸلٸمنەن شىقتى. قازٸر اۋىلدا انام, ٸنٸم جەنە سٸڭلٸم تٶرتەۋمٸز تۇرامىز. ەزٸرشە, قالاعا جالعىز كٶشٸپ بارامىن. ٸنٸم مەن سٸڭلٸم وقۋىن بٸتٸرگەن سوڭ مەنٸڭ جانىما كەلەدٸ, – دەيدٸ عازيزا كٶپجاساروۆا.
عازيزانىڭ پەتەر نەسيەسٸ بويىنشا اي سايىنعى تٶلەمٸ 37 000 تەڭگەنٸ قۇرايدى. ول بۇل قارجىنى 8 جىل تٶلەمەك. پەتەر يەسٸنٸڭ ويىنشا, بۇل اسا قيىندىق تۋعىزبايدى.
- مەن پەتەر بويىنشا بەرٸلگەن نەسيەنٸ تٶلەي الماي قالامىن دەپ قورىقپايمىن. جاڭا باسپانانى ٶز كٷشٸمە سەنگەندٸكتەن الدىم ەمەس پە! باستىسى, ەندٸ مەن قالادا, ٶز ٷيٸمدە تۇرامىن. سول ٷشٸن ٶزٸمدٸ باقىتتى سەزٸنەمٸن, – دەيدٸ عازيزا كٶپجاساروۆا.
تۇرعىن ٷي قۇرىلىس جيناق بانكٸ وبلىستىق فيليالىنىڭ ديرەكتورى دەۋرەن ساۋداباەۆتىڭ ايتۋىنشا, پايدالانۋعا بەرٸلگەن پەتەرلەردٸڭ 1 شارشى مەترٸنٸڭ باعاسى – 136 000 تەڭگە. نىساندارداعى بٸر بٶلمەلٸ پەتەردٸڭ باعاسى ورتا ەسەپپەن 5,5 ملن تەڭگەنٸڭ اينالاسىندا ەكەن.
- جاڭا ٷيدٸڭ يەسٸ بولىپ وتىرعان بۇل ازاماتتار بٸرنەشە جىل بويى تۇراقتى تٷردە تۇرعىن ٷي قۇرىلىس جيناق بانكٸندەگٸ شوتتارىنا تابىسىنىڭ بٸر بٶلٸگٸن سالىپ تۇردى. ال بٷگٸن ٷمٸتتەرٸ اقتالىپ وتىر. اقشانىڭ بٸر بٶلٸگٸن سالىمشىلاردىڭ ٶزدەرٸ جيناعانىن اتاي كەتۋ كەرەك. جەتپەيتٸن سومانى بانك جىلدىق مٶلشەرلەمەسٸ 5% بولاتىن نەسيە تٷرٸندە بەردٸ, - دەيدٸ ول.
بٷگٸنگٸ كٷنٸ قوستاناي وبلىسىنىڭ 43 000 تۇرعىنى تۇرعىن ٷي قۇرىلىس جيناق بانكٸندە ٷي الامىز دەپ اقشا جيناپ جاتىر. قازٸر ولار 1 شارشى مەترٸنٸڭ باعاسى 128 000 تەڭگە بولاتىن قۇنى تٶمەندەتٸلگەن ٷي الۋ مٷمكٸندٸگٸن دە پايدالانا الادى. تٷقجب 9 ٷيدەگٸ 400 پەتەر بويىنشا ٷمٸتكەرلەردٸڭ قوسىمشا توبىن قابىلداۋدا. نىساندار تۋرالى تولىق اقپاراتتى baspana.kz پورتالىنان بٸلۋگە بولادى.
