قوستاناي وبلىسى پوليتسەيلەرٸ مەلٸمەتٸنشە, مال يەسٸ 408-باپ "اۋىل شارۋاشىلىعى جانۋارلارىن جايۋ قاعيدالارىن, يتتەر مەن مىسىقتاردى اسىراۋ جەنە سەرۋەندەتۋ قاعيدالارىن, قاڭعىباس يتتەر مەن مىسىقتاردى اۋلاۋ جەنە جويۋ قاعيدالارىن بۇزۋ" بويىنشا ەكٸمشٸلٸك جاۋاپكەرشٸلٸككە تارتىلعان.
ەلەۋمەتتٸك جەلٸ قولدانۋشىلارىنا ارى قاراي نە بولعانى بەلگٸسٸز بولىپ قالدى. پٸكٸر بٸلدٸرۋشٸلەر سيىرعا جاناشىرلىق تانىتىپ, ونى سويماۋدى ٶتٸندٸ.
قوستاناي ەرٸكتٸلەرٸ جانۋاردى قۇتقارۋدى ۇيعارعان.
"11 شٸلدەدە كەشكە قاشىپ كەتكەن سيىر تۋرالى پوستتى كٶردٸم. سۋرەتتە سيىردىڭ مٶلدٸرەگەن كٶزٸن كٶردٸم. ەرٸپتەسٸمە قوڭىراۋ شالىپ, جانۋاردى امان الىپ قالۋدى ۇسىندىم. كۋەگەرلەر ونىڭ قاي قاساپحانادا ەكەنٸن ايتتى. سيىردىڭ يەسٸن بٸلۋ ٷشٸن پوليتسيياعا حابارلاستىق. پوليتسييا دا ەشتەڭە ايتقان جوق. بٸز جانۋارلاردى ٶلتٸرمەۋلەرٸن سۇراپ پوست جازۋدى جٶن كٶردٸك", - دەيدٸ ەرٸكتٸ مارينا.
كەلەسٸ كٷنٸ ەرٸكتٸلەر جانۋاردىڭ ناقتى ورنالاسقان جەرٸن انىقتاعان. سيىر قاساپحانادا بولىپ شىقتى. وندا ەرٸكتٸلەر جۋرناليستەرمەن بٸرگە بارعانىمەن, ولاردى ٸشكە كٸرگٸزبەگەن.
"كەيٸن ەرٸپتەسٸم ەلەناعا سيىر يەسٸ قوڭىراۋ شالىپ, ونىڭ اتىن ايتپاۋدى, دەرەگٸن جارييالاماۋدى ٶتٸندٸ. ول سيىردى يەسٸنە اپارىپ جاتقانىن ايتتى. سيىردىڭ ٶزٸنەن اجىراتىپ العان بۇزاۋى بار ەكەنٸن بٸلدٸك. سيىردىڭ نەگە قاشىپ كەتكەنٸ تٷسٸنٸكتٸ بولدى. ونىڭ ٶمٸر سٷرگٸسٸ كەلگەنٸ كٶرٸنٸپ تۇردى. ٶمٸرگە دەگەن مۇنداي قۇشتارلىقتى بٸرٸنشٸ رەت كٶردٸك. بٸز ونى شىنىمەن قۇتقارعىمىز كەلدٸ", - دەدٸ مارينا.
ەيەلدٸڭ ايتۋىنشا, ەندٸ جانۋاردى ٶلتٸرمەيتٸندەرٸ انىق. سيىر بۇزاۋىمەن قايتا قوسىلدى.
"جانۋار يەسٸ بٸر سيىردىڭ قۇنى كٶلٸكتٸ ەسەپتەمەگەندە 480 مىڭ تەڭگە ەكەنٸن ايتتى. بٸز اقشا جينامايمىز, ونىڭ كەرەگٸ جوق. سيىردى ەرٸكتٸلەرٸمٸزدٸڭ بٸرٸ الادى, قازٸر بۇل مەسەلە شەشٸلٸپ جاتىر", - دەدٸ ەرٸكتٸ.
ەسكە سالايىق, قوستاناي ورتالىعىندا جٷرگەن سيىر شابۋىلىنان ٷش ادام زارداپ شەكتٸ. ەر ادام جامباس سٷيەگٸ سىندى دەگەن كٷدٸكپەن اۋرۋحاناعا جاتقىزىلعان, بٸر ەيەلدٸڭ اياعىن جاراقاتتاعان, ال زەينەتكەر بٸلەك سٷيەگٸن سىندىرىپ العان.
