قوستاناي قالاسىنداعى گاگارين كٶشەسٸنٸڭ اتاۋى ٶزگەرۋٸ مٷمكٸن. وسى مەسەلەگە قاتىستى قالالىق ەكٸمدٸكتە قوعامدىق تىڭداۋ ٶتتٸ, دەپ حابارلايدى قازاقپارات تٸلشٸسٸ.
قوعامدىق تىڭداۋدا باستاماشىل توپتىڭ ٶكٸلدەرٸ بايانداما جاسادى. اۆتوموبيل ترانسپورتى كوللەدجٸنٸڭ تەحنيكالىق بٶلٸمٸنٸڭ باسشىسى ۆلاديمير زاكاليۋجنىيدىڭ سٶزٸنشە, پەداگوگتار مەن ستۋدەنتتەر قالاداعى گاگارين كٶشەسٸن قر تۇڭعىش پرەزيدەنت اتىنداعى داڭعىلعا اينالدىرۋ جٶنٸندە ۇجىمدىق حات جازعان.
«قر پرەزيدەنتٸ ق.توقاەۆ تۇڭعىش پرەزيدەنتٸمٸز ن.نازارباەۆتىڭ ەسٸمٸن وبلىس ورتالىقتارىنداعى كٶشەلەردٸڭ بٸرٸنە بەرۋ تۋرالى باستاما كٶتەردٸ. بٸزدٸڭ ۇجىم مۇنى بٸراۋىزدان قولدادى. ەلباسىنىڭ ستراتەگييالىق باستامالارىنىڭ ارقاسىندا قازاقستان ينتەگراتسييالىق ٷدەرٸستەردٸڭ باستى لوكوموتيۆٸنە اينالدى. رەسپۋبليكامىز ٸرٸ جەنە بەدەلدٸ حالىقارالىق ۇيىمداردىڭ بەلسەندٸ قاتىسۋشىسى سانالادى. نۇرسۇلتان نازارباەۆ ەكونوميكانى قاجەتتٸ ەڭبەك رەسۋرستارىمەن قامتاماسىز ەتۋ مەسەلەسٸندە تەحنيكالىق جەنە كەسٸپتٸك بٸلٸم بەرۋدٸ دامىتۋعا ەرەكشە مەن بەردٸ. بٸزدٸڭ كوللەدج گاگارين كٶشەسٸندە ورنالاسقان. يۋريي گاگارين – عارىشقا ۇشقان العاشقى ادام. ەلەمدەگٸ العاشقى عارىشكەردٸڭ اتى ۇمىتىلمايدى. الايدا, ەلباسىنىڭ ەڭبەگٸ لايىقتى باعاسىن الۋى تيٸس», – دەدٸ ۆلاديمير زاكاليۋجنىي.
كوللەدجدٸڭ ۇسىنىسىن «اگروماشحولدينگ» كەسٸپورنىنىڭ ديرەكتورى سەرگەي موگيلاتوۆ تا ٸلٸپ ەكەتتٸ.
- قوعامدىق تىڭداۋدا ەل پٸكٸرٸ, ۇسىنىستارى تالقىعا تٷسەدٸ. سول سەبەپتٸ, قازٸرگٸ گاگارين كٶشەسٸنٸڭ بويىندا ورنالاسقان بٸزدٸڭ كەسٸپورىن ۇجىمى كوللەدجدٸڭ باستاماسىن قولدايدى. ٶيتكەنٸ, 1982 نۇرسۇلتان نازارباەۆتىڭ باستاماسى ارقىلى قوستاناي ديزەل زاۋىتى اشىلدى. سودان باستاپ, ٶڭٸردە ماشينا قۇراستىرۋ سالاسى قارىشتاپ دامىدى. بيىل مۇندا 24 مىڭ اۆتوكٶلٸك شىعارىلادى, - دەدٸ كەسٸپورىن ديرەكتورى.
باستاماشىل توپ يۋريي گاگارين ەسٸمٸن گۆاردەيسكيي كٶشەسٸنە كٶشٸرۋ تۋرالى مەسەلەنٸ ماڭىزدى دەپ ەسەپتەيدٸ. مەسليحات دەپۋتاتتارى بۇل ۇسىنىستى تولىعىمەن قولدادى. ال گاگارين كٶشەسٸن قر تۇڭعىش پرەزيدەنت اتىنداعى داڭعىلعا اينالدىرۋ ۇسىنىسى رەسپۋبليكالىق ونوماستيكالىق كوميسسييادا قارالاتىن بولدى.
