قوستانايدا جاسىرىن جۇمىس ٸستەپ كەلگەن ەكٸ كازينو انىقتالدى, دەپ حابارلايدى "ۇلت اقپارات".
«قر قارجى مينيسترلٸگٸ قارجى مونيتورينگٸ كوميتەتٸنٸڭ قوستاناي وبلىسى بويىنشا ەكونوميكالىق تەرگەۋ دەپارتامەنتٸ قىزمەتكەرلەرٸ ارنايى ماقساتتاعى «قىران» بٶلٸمشەسٸمەن بٸرلەسە وتىرىپ, قوستاناي قالاسىندا ەكٸ جاسىرىن كازينونىڭ قىزمەتٸن توقتاتتى. تٷرلٸ قۇمار ويىنداردى ۇيىمداستىرۋ جەنە ٶتكٸزۋ ٷشٸن ٸس فيگۋرانتتارى قالا اۋماعىندا ارنايى ورىنداردى جالعا العان. كازينو ۇيىمداستىرۋشىلارى ويىنعا 10 000 تەڭگەدەن كەم ەمەس سوماعا فيشكالار ساتىپ العان ويىنشىلاردى عانا قاتىستىرعان», دەلٸنگەن ۆەدومستۆو حابارلاماسىندا.
تەكسەرۋ بارىسىندا پوكەرگە جەنە تاعى 6 قۇمار ويىنىنا ارنالعان ٷستەل, كارتالاردىڭ 15 داناسى, فيشكالار, بەينەجازبالارى بار رەسيۆەر, ويىنعا تٸگٸلگەن مٶلشەرلەمەلەر تۋرالى جازبالارى بار جۋرنال مەن بلوكنوت, ويىن فيشكالارى بار كەيس, «Samsung» ماركاسىنداعى ەلەكتروندى پلانشەت جەنە اقشالاي قاراجات انىقتالىپ, تەركٸلەندٸ.
قازٸرگٸ تاڭدا تەرگەۋ امالدارى جٷرگٸزٸلۋدە.
