فوتو: Pexels.com
قوستاناي قالاسىنىڭ تۇرعىنى ليتسەنزيياسى جوق سالوندا كوسمەتولوگييالىق قىزمەت الىپ, ۋەدە ەتٸلگەن نەتيجەگە قول جەتكٸزبەگەن سوڭ, 1,2 ملن تەڭگەسٸن قايتارىپ الدى, دەپ حابارلايدى Ult.kz.
وقيعا 2025 جىلدىڭ جازىندا بولعان. تۇرعىن كونسۋلتاتيۆتٸك-دياگنوستيكالىق جەنە دەرماتوكوسمەتولوگييالىق قىزمەتكە 1 200 000 تەڭگە تٶلەگەن. الايدا نەتيجە كٶڭٸلٸنەن شىقپاعاندىقتان, سالون ەكٸمشٸلٸگٸنەن كەلٸسٸمدٸ بۇزۋدى جەنە اقشانى تولىق قايتارۋدى تالاپ ەتكەن. بٸراق سالون تۇتىنۋشىنىڭ تالابىنا جاۋاپ بەرمەگەن.
تۇتىنۋشى تۇتىنۋشىلار قۇقىعىن قورعاۋ جەنە ساۋدا دەپارتامەنتٸنە جٷگٸنگەننەن كەيٸن عانا تەكسەرۋ جٷرگٸزٸلدٸ. دەپارتامەنت سالوننىڭ تالاپ ارىزعا جاۋاپ بەرمەگەنٸن انىقتاپ, كەسٸپكەردٸ ەكٸمشٸلٸك جاۋاپكەرشٸلٸككە تارتتى. سونداي-اق كەلٸسٸمشارتتاعى تۇتىنۋشىلار قۇقىعىن شەكتەيتٸن تالاپتاردى الىپ تاستاۋ جٶنٸندە نۇسقاما بەرٸلدٸ.
سوت پروتسەسٸ كەزٸندە سالون دەرماتوكوسمەتولوگييالىق پروتسەدۋرالاردى ليتسەنزيياسىز, ياعني مەديتسينالىق رۇقساتسىز كٶرسەتكەنٸ بەلگٸلٸ بولدى. سوت سالوندى تۇتىنۋشىعا بارلىق تٶلەنگەن سومانى – 1,2 ملن تەڭگەنٸ قايتارۋعا مٸندەتتەدٸ.
«بۇل جاعداي كەسٸپكەرلەردٸڭ زاڭدى بۇلجىتپاي ورىنداۋى قاجەت ەكەنٸن دەلەلدەيدٸ. ەربٸر تۇرعىن ساپالى جەنە قاۋٸپسٸز قىزمەت الۋعا قۇقىلى. دەپارتامەنت ازاماتتاردىڭ قۇقىقتارىن قورعاۋدى ەرٸ قاراي دا جالعاستىرادى», – دەدٸ قوستاناي وبلىسى بويىنشا ساۋدا جەنە تۇتىنۋشىلار قۇقىعىن قورعاۋ دەپارتامەنتٸ باسشىسىنىڭ مٸندەتٸن اتقارۋشى ق. ەكٸجانوۆ.
بيىل دەپارتامەنتكە بارلىعى 1452 ٶتٸنٸش تٷسكەن. ونىڭ ٸشٸندە 717-سٸ – جازباشا, 106-سى – Telegram-بوت ارقىلى, 269-ى – جەدەل جەلٸگە كەلٸپ تٷسكەن قوڭىراۋلار. تاعى 360 ازامات جەكە قابىلداۋدا كەڭەس العان. تۇتىنۋشىلارعا 62,7 ملن تەڭگەدەن استام قاراجات قايتارىلعان.
مەملەكەتتٸك باقىلاۋ اياسىندا 73 تەكسەرۋ جٷرگٸزٸلٸپ, جوسپاردان تىس تەكسەرۋلەر نەتيجەسٸندە 16 كەسٸپكەرگە ەسكەرتۋ بەرٸلٸپ, 44 كەسٸپكەرگە جالپى 1 397 000 تەڭگە كٶلەمٸندە ايىپپۇل سالىنعان.
