قوستانايدا تۇرعىن ٷي سەكتورىنداعى ٶرتتەن بٸرنەشە ٷيەلمەن زارداپ شەكتٸ, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸنٸڭ مەلٸمەتٸنشە, 9 مامىر كەشكٸ 17.23 شاماسىندا قوستاناي قالاسى نابەرەجنايا كٶشەسٸندەگٸ تۇرعىن ٷي سەكتورىندا ٶرت تۇتانعان.
ەۋەلٸ قالا شەتٸندەگٸ توبىل ٶزەنٸنٸڭ بويىندا قامىس جانىپ, بٸر سەتتە وتقا ورانعان.
قاتتى جەلدٸڭ سالدارىنان ٶرت جاقىن ماڭداعى ٷيلەرگە تاراپ, كٶشە بويىنداعى جەكە سەكتوردىڭ اۋلاداعى قۇرىلىستارىن شارپىدى.
ٶرت 1000 شارشى مەتر اۋماقتى قامتىپ, ٶرتتٸڭ سالدارىنان 11-دەن استام تۇرعىن ٷي مەن 6 شارۋاشىلىق قۇرىلىس جەنە 4 اۆتوكٶلٸك (ونىڭ ٸشٸندە 2 جٷك كٶلٸگٸ), سونىمەن قاتار 2 تۇرعىن ٷي ٸشٸنارا زارداپ شەككەن. جانعان قامىستىڭ اۋماعى 1,5 گەكتاردان استى.
ٶرتتٸ سٶندٸرۋگە كٷشتٸ جەل مەن قويۋ تٷتٸن, سونداي-اق بٸر-بٸرٸنە جاقىن ورنالاسقان تۇرعىن ٷيلەر مەن اۋلا قۇرىلىستارى كەدەرگٸ بولدى. قازا بولعاندار مەن زارداپ شەككەندەر جوق,
نابەرەجنايا كٶشەسٸ بويىنشا 25 ادام (ونىڭ ٸشٸندە 5 بالا) ەۆاكۋاتسييالاندى.
قوستاناي قالاسىنىڭ ەكٸمدٸگٸ تۇرعىنداردى قونىستاندىرۋ ٷشٸن «دوستىق» پروفيلاكتورييٸندە ۋاقىتشا پۋنكت دايىندادى.
ٶرت 20:15-تە اۋىزدىقتالىپ, 21:24-تە تولىعىمەن سٶندٸرٸلدٸ. ٶرتتٸ سٶندٸرۋگە تجد كٷش-قۇرالدارى جۇمىلدىرىلدى (14 تەحنيكا جەنە جەكە قۇرامنان 85 ادام).
ٶرتتٸڭ شىعۋ سەبەبٸ جەنە زالالى انىقتالىپ جاتىر.
