«ارقالىق-تورعاي» اۆتوجولىندا جانگەلدين اۋداندىق اۋرۋحاناسىنىڭ جەدەل جەردەم كٶلٸگٸ مەن «شەۆرولە نيۆا» جەڭٸل اۆتوكٶلٸگٸ سوقتىعىستى. العان جاراقاتىنان فەلدشەر كٶز جۇمدى. پوليتسييا تەرگەۋ امالدارىن باستادى, دەپ حابارلايدى قازاقپارات.
جول اپاتى كەشە كەشكە 22.30 شاماسىندا «ارقالىق-تورعاي» اۆتوجولىندا بولعان.
«اتالعان فاكتٸ بويىنشا قر قك 345-1-بابى 3-تارماعى بويىنشا سوتقا دەيٸنگٸ تەرگەۋ امالدارى باستالدى. قازٸرگٸ ۋاقىتتا ساراپتاما تاعايىندالعان», - دەپ اتاپ ٶتتٸ قوستاناي وبلىسى پد باسپاسٶز قىزمەتٸ.
بەلگٸلٸ بولعانداي, «شەۆرولە نيۆا» جٷرگٸزۋشٸسٸ دالا جولىمەن جٷرٸپ كەلە جاتىپ, مانەۆردٸڭ قاۋٸپسٸز ەكەنٸنە كٶز جەتكٸزبەستەن, ەكٸنشٸ جولدان باستى جولعا شىعىپ كەتكەن.
سالدارىنان جانگەلدين ورتالىق اۋداندىق اۋرۋحاناسىنىڭ سانيتارلىق ارنايى اۆتوكٶلٸگٸ – «ۋاز»-بەن سوقتىعىسقان.
«جول اپاتى سالدارىنان «ۋاز» اۆتوكٶلٸگٸندە بولعان فەلدشەر كٶز جۇمدى. ەيەل العان جاراقاتتارىنان اۋرۋحانادا قايتىس بولدى. سانيتارلىق ارنايى كٶلٸكتٸڭ جٷرگٸزۋشٸسٸ كٶپتەگەن جاراقات العان», - دەپ تولىقتىردى ۆەدومستۆودان.
جٷرگٸزٸلگەن ساراپتاما بارىسىندا «شەرۆولە نيۆا» كٶلٸگٸنٸڭ 32 جاستاعى جٷرگٸزۋشٸسٸ ماس كٷيدە بولعانى انىقتالدى.
Instagram جەلٸسٸندە وبلىستىق دەنساۋلىق ساقتاۋ باسقارماسى مارقۇمنىڭ وتباسىنا كٶڭٸل ايتتى.
«جانگەلدين اۋداندىق اۋرۋحاناسىنىڭ مەدبيكەسٸ 1969 جىلى تۋعان نۇرسەۋلە بٷركٸتبايقىزى اسقاروۆا بٸر اۋرۋحانادا ٷزٸلٸسسٸز جۇمىس ٸستەدٸ. 33 جىل بۇرىن ول ارقالىق مەديتسينالىق كوللەدجٸن بٸتٸرٸپ, وسىندا جۇمىسقا كەلگەن. 1989 جىلدان باستاپ «جانگەلدين ورتالىق اۋرۋحاناسى» كمك تٷرلٸ بٶلٸمشەلەرٸندە, سوڭعى جىلدارى ەمحانانىڭ مەدبيكەسٸ بولىپ جۇمىس ٸستەدٸ. مەيٸرٸمدٸ, اقكٶڭٸل جان ەدٸ. ەرٸپتەستەرٸ مەن پاتسيەنتتەرٸنٸڭ ەسٸندە ٶز ٸسٸنٸڭ مامانى بولىپ قالدى. قايتىس بولعان ەرٸپتەسٸمٸزدٸڭ وتباسىنا شىن نيەتپەن كٶڭٸل ايتامىز», - دەلٸنگەن حابارلامادا.
