فوتو: polisia.kz
قوستاناي وبلىسىندا الاياقتارعا جۇمىس ٸستەگەن جاستار ەشكەرەلەندٸ, دەپ حابارلايدى Ult.kz Polisia.kz-كە سٸلتەمە جاساپ.
پوليتسەيلەر ينتەرنەت-الاياقتارعا كٶمەكتەسٸپ جٷرگەن 16 جاسٶسپٸرٸمدٸ ۇستادى. ولاردىڭ بٸرٸ — ليساكوۆ قالاسىنىڭ 18 جاستاعى تۇرعىنى, جاڭا SIM-كارتالاردىڭ جەتكٸزۋشٸسٸ بولىپ شىقتى. كەيٸن وسى نٶمٸرلەر ەلەۋمەتتٸك جەلٸلەر مەن مەسسەندجەرلەردە جالعان اككاۋنتتار اشۋعا پايدالانىلعان. تٸنتۋ بارىسىندا ونىڭ ٷيٸنەن 21 تەلەفون, تٷرلٸ وپەراتورلاردىڭ 48 SIM-كارتاسى جەنە مودەم تەركٸلەندٸ. مۇنىڭ بەرٸ قازاقستاندىقتاردى الداۋ ٷشٸن قىلمىستىق سحەمالاردا قولدانىلعان.
الماتى, استانا, اقتٶبە, قوستاناي جەنە سەمەي قالالارىنىڭ تۇرعىندارى زارداپ شەككەن بەس قىلمىستىق ٸس بويىنشا كەلتٸرٸلگەن شىعىن 80 ميلليون تەڭگەدەن استى. ازاماتتار نٶمٸرلەردٸڭ جالعان تۇلعالارعا تٸركەلگەنٸن بٸلمەسە دە, اقشا اۋدارىپ وتىرعان. تەرگەۋ بارىسىندا پوليتسييا 17–20 جاس ارالىعىنداعى تاعى 15 جاسٶسپٸرٸمنٸڭ وسىنداي زاڭسىز ەرەكەتتەرگە تارتىلعانىن انىقتادى.
كەمەلەتكە تولماعانداردىڭ قىلمىسقا قاتىسقانى ٷشٸن تەك ٶزدەرٸ عانا ەمەس, اتا-انالارى دا قولدانىستاعى زاڭناماعا سەيكەس جاۋاپقا تارتىلادى. قۇقىق قورعاۋشىلار جاستاردىڭ قىلمىستىق سحەمالارعا تارتىلۋىنا جول بەرمەۋ ٷشٸن بٸلٸم باسقارماسىمەن بٸرلەسكەن پروفيلاكتيكالىق ٸس-شارالاردى باستادى. سونىمەن قاتار پوليتسييا قىلمىستىق كودەكسكە ەنگٸزٸلگەن سوڭعى تٷزەتۋلەردٸ ەسكە سالدى. مەسەلەن, ەندٸ الاياقتارعا جەكە دەرەكتەرٸن نەمەسە SIM-كارتالارىن بەرەتٸن دروپپەرلەرگە 7 جىلعا دەيٸن باس بوستاندىعىنان ايىرۋ جازاسى قاراستىرىلعان.
