2018 جىلى قوستاناي وبلىسىندا تٶتەنشە جاعدايلاردىڭ الدىن الۋعا جەنە جويۋعا 461 ملن تەڭگە بٶلٸندٸ, - دەپ حابارلايدى "ۇلت اقپارات" tobyl-torgai.kz سايتىنا سٸلتەمە جاساپ.
ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە تٶتەنشە جاعدايلار دەپارتامەنتٸنٸڭ باسشىسى تالعات كەكٸموۆ جاعدايدى تولىق باقىلاۋدا ۇستاپ وتىرعانىن ايتتى. ارنايى قۇرىلعان توپ ارقالىق قالاسىنداعى ٷشتٶبە, اشۋتاستى, اقجار ٶزەندەرٸنٸڭ اڭعارىن جەنە قار سۋى جينالاتىن سايلاردى قاراپ, تەكسەرٸپ شىققان. قاراتورعاي, سارىتورعاي, سابا ٶزەندەرٸنە جاقىن ورنالاسقان ەلدٸ مەكەندەردە جىل سايىن سۋ تاسقىنى بولاتىن. بيىل ونداي قاۋٸپ جوق دەپ وتىر قۇتقارۋشىلار. امانكەلدٸ اۋدانىنا قاراستى امانتوعاي, ٷرپەك, قاراسۋ اۋىلىنىڭ ماڭىنداعى جالداما جەنە تورعاي ٶزەندەرٸ دە ارنادان اسپاۋى تيٸس.
جالپى العاندا, قوستاناي ايماعىندا سۋ تاسقىنى بولجانىپ وتىرعان جوق. سينوپتيكتەردٸڭ حابارلاۋىنشا, تٷسكەن قاردىڭ قالىڭدىعى نورماعا جەتپەيدٸ.
ٶتكەن جىلى وبلىستا كٶكتەمگٸ سۋ تاسقىنى 97 ەلدٸ مەكەندٸ ەلەككە تٷسٸرگەن ەدٸ. سونىڭ ٸشٸندە 40 ەلدٸ مەكەن قار سۋىنان زارداپ شەكسە, قالعانى سۋ قويمالارىنىڭ تاسۋىنان ەبٸگەرگە سالىندى.
– 2017 جىلدىڭ سوڭىندا قوستاناي وبلىسىنىڭ ەكٸمٸمەن «2018 جىلدىڭ وبلىستاعى تاسقىن كەزەڭٸندە تٶتەنشە جاعدايلاردى الدىن الۋ بويىنشا ٸس-شارالار جوسپارى» ەزٸرلەنٸپ, بەكٸتٸلدٸ. قازٸر ول بارلىق قالا مەن اۋدانداردىڭ ەكٸمدٸكتەرٸنە ورىندالۋ ٷشٸن جٸبەرٸلدٸ. وسىعان سەيكەس ولار تاسقىنعا قارسى شتابتاردى قۇرۋ بويىنشا جۇمىس اتقارۋدا, – دەدٸ تجد باسشىسى.
«قازگيدرومەت» وبلىستىق فيليالىنىڭ ديرەكتورى لاريسا كۋزمينانىڭ مەلٸمەتٸنشە, وبلىستا قىستاي جاۋعان قارداعى سۋ قورى بىلتىرعىنىڭ 40% عانا قۇرايدى ەكەن. ال سۋ قويمالارىنداعى سۋ ونىڭ 68% تولتىرىپ تۇر, 449 ملن تەكشە مەتر سۋ سىياتىن ورىن بار. الايدا, سۋ تاسقىنى ىلعي قاردىڭ كٶپتٸگٸنەن بولا بەرمەيدٸ. سۋ ٶتكٸزگەشتەردٸڭ بٸتەلٸپ قالۋىنان كەپتەلگەن سۋ ويداعى اۋىلداردى باساتىن.
قوستاناي قالاسىندا شامامەن 8 مىڭ تۇرعىنى بار ەكٸ مىڭنان استام تۇرعىن ٷيدٸ قار سۋى باسۋى مٷمكٸن. تٶتەنشە جاعدايلار دەپارتامەنتٸ ماماندارى وعان دا دايىنبىز دەپ سەندٸرەدٸ.
– جەرگٸلٸكتٸ اتقارۋشى ورگاندارمەن بٸرلەسە سۋ باسۋى مٷمكٸن القاپتارداعى وسال ۋچاسكەلەر انىقتالىپ, تۇراقتى باقىلاۋدا ۇستالىپ وتىر. وبلىستىڭ دەنساۋلىق ساقتاۋ باسقارماسى سۋ باسۋ قاۋپٸ بار ايماقتا تۇراتىن جٷكتٸ ەيەلدەردٸ ەسەپكە الدى (97 ادام). سۋ باسۋ ايماعىنان ەۆاكۋاتسييالانعان ازاماتتاردى ۋاقىتشا ورنالاستىرۋعا 152 نىساندى دايىنداپ وتىرمىز (جاتاقحانا, قوناق ٷي, بٸلٸم نىساندارى, ت.ب.), 30 شاتىر مەن 32 كيٸز ٷي دە بار. ودان باسقا 3 مىڭ 248 كەرەۋەت, 6 مىڭ 67 تٶسەك ورىن جيىنتىعى جەنە 5 مىڭ 798 توننا ازىق-تٷلٸك دايىندالعان. سونداي-اق ٷي جانۋارلارىن ايداۋعا 46 ورىن ەزٸر, – دەيدٸ تالعات كەكٸموۆ.
قىسقاسى, بيلٸكتەگٸلەر جاعىمسىز «توسىنسىي» بولمايدى دەپ وتىر. تاسقىن سۋعا قارسى قيمىلعا قوستانايدا 2 262 ادام جەنە 826 تەحنيكا بٸرلٸگٸ تارتىلادى. سۋ باسۋى مٷمكٸن ايماقتاردا 488 ينجەنەرلٸك تەحنيكا, 221 جٷك كٶلٸگٸ, 137 اۆتوبۋس, 83 جٷزۋ قۇرالى, 245 سۋدى سورىپ الاتىن ارنايى تەحنيكا بٸرلٸگٸ دايىن تۇر.
