قوستاناي قالاسىندا 200 ورىندىق ينفەكتسييالىق اۋرۋحانا پايدالانۋعا بەرٸلدٸ, دەپ حابارلايدى "ۇلت اقپارات".
ينفەكتسييالىق اۋرۋحانانىڭ جۇمىسىن وبلىستىق اۋرۋحانا رەتتەپ وتىرادى. وبلىستىق اۋرۋحانانىڭ باس دەرٸگەرٸ يۋريي مويسەەۆتىڭ ايتۋىنشا, نىسان زاماناۋي جوعارى تەحنولوگييالىق قۇرىلعىلارمەن جابدىقتالعان. ستاتسيونار كوروناۆيرۋس جۇتىرعان ناۋقاستاردى قابىلدايدى جەنە قازٸردٸڭ ٶزٸندە جاڭا ورتالىققا 40 پاتسيەنت ورنالاستىرىلدى.
«جاڭا اۋرۋحانانىڭ جوعارعى تەحنولوگييالىق زاماناۋي قۇرىلعىلارمەن قامتىلعان ارنايى زەرتحاناسى, دياگنوستيكا ورتالىعى, وتا جاسايتىن بٶلٸمٸ بار. ينفەكتسييالىق ورتالىقتىڭ باستى ەرەكشەلٸگٸ – مۇندا دەرٸگەرلەر ناۋقاسقا ارنايى قوندىرىلعان پلانشەت ارقىلى قاشىقتان باقىلاۋ جٷرگٸزە الادى. مۇندا ناۋقاستاردى وتتەگٸمەن قامتاماسىز ەتۋدٸڭ ورتالىقتاندىرىلعان جٷيەسٸ بار. ياعني, 8 توننا سۇيىق وتتەگٸ ارنايى تسيستەرناعا قۇيىلىپ, قاجەت بولعان جاعدايدا ەر تٶسەككە ورناتىلعان قۇرىلعى ارقىلى ناۋقاسقا قوسىلادى. ستاتسيونارداعى قالدىقتاردى جويۋدىڭ تيٸمدٸ جولىن قاراستىرۋ دا ەسكەرٸلگەن. قالدىقتاردى ۇنتاقتاپ, زارارسىزداندىرىپ, قورشاعان ورتاعا زييان كەلتٸرمەۋٸن قامتاماسىز ەتەتٸن ارنايى جٷيە جۇمىس ٸستەپ تۇر. ەر پالاتادا 2-3 تٶسەك قويىلعان. ٶتە قولايلى, جارىق ەرٸ جىلى. ناۋقاستار دەرەتحانا, ارنايى تازارتۋدان ٶتكەن اۋىز سۋمەن قامتاماسىز ەتٸلگەن. بۇل ٸندەت جۇقتىرعان ناۋقاسقا دا, ونى ەمدەيتٸن دەرٸگەرگە دە پسيحولوگييالىق تۇرعىدان قولايلى جاعداي تۋعىزادى», - دەيدٸ باس دەرٸگەر.
جاڭا اۋرۋحانانى دەرٸگەر ماماندارمەن قامتۋ مەسەلەسٸ دە رەتتەلٸپ قويعان. بيىل وبلىسقا ٶزگە ٶڭٸرلەردەن 240 دەرٸگەر كەلەدٸ. ايماققا جاس مامانداردى كٶپتەپ تارتۋ ماقساتىندا ولارعا بەرٸلەتٸن كٶتەرمە اقى كٶلەمٸ دە ٶسكەن. بۇعان دەيٸن 1,5 ملن تەڭگە كٶلەمٸندەگٸ كٶتەرمە اقى تەك اۋىلعا باراتىن دەرٸگەرلەرگە عانا بەرٸلٸپ كەلسە, بيىلدان باستاپ قالالىق مەكەندەردەگٸ مەديتسينالىق مەكەمەلەرگە جۇمىس ٸستەۋگە كەلگەن ماماندارعا دا 1 ملن تەڭگەدەن قولداۋ كٶرسەتٸلەدٸ.
