قوستاناي وبلىسىندا براكونەرلەرمەن كٷرەس كٷشەيتٸلٸپ, موبيلدٸ توپ قۇرىلدى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
قوستاناي ٶڭٸرٸندە زاڭسىز اڭ اۋلاۋشىلار ازايماي تۇر. وسىعان بايلانىستى وبلىس كٶلەمٸندە كەزەكتٸ رەت «كيٸك» وپەراتسيياسى ٶتتٸ. نەتيجەسٸندە 136 زاڭ بۇزۋشى انىقتالىپ, تٸركەۋگە الىندى.
«قوستاناي وبلىسىندا براكونەرلەرمەن كٷرەس ٷشٸن تابيعاتتى قورعاۋ وبلىستىق اۋماقتىق ينسپەكتسيياسى مەن وبلىستىق پوليتسييا دەپارتامەنتٸ 8 موبيلدٸ توپ قۇردى. ولاردىڭ تٶرتەۋٸ وبلىس پەريمەترٸندە ەمٸن-ەركٸن رەيد اتقارادى. قازٸرگە دەيٸن 7 رەيد شاراسى ٶتكٸزٸلدٸ. زاڭ بۇزعان براكونەرلەرگە 1 ملن تەڭگەدەن استام ايىپپۇل سالىندى» دەلٸنگەن باسپاسٶز حابارلاماسىندا.
قوستاناي وبلىسىندا كيٸك سانى ارتىپ, 111 مىڭعا جەتكەن. جىلدىق ٶسٸم 50 پروتسەنتتٸك دەڭگەيدە قالىپ وتىر. كيٸكتەردٸ اۋلاۋعا 2023 جىلعا دەيٸن زاڭ جٷزٸندە شەكتەۋ قويىلدى.
