قازاقستان دەنساۋلىق ساقتاۋ مينيسترلٸگٸنٸڭ 3 سəۋٸر ساعات 18:10-داعى دەرەگٸ بويىنشا, ەلدە تاعى جەتٸ ادامنان ۆيرۋس تابىلدى. ۆيرۋس جۇقتىرعانداردىڭ بٸرٸ قوستاناي وبلىسىندا. بۇل - قوستانايدا دەرتكە شالدىققان العاشقى ادام. بۇدان بٶلەك, تٷركٸستان وبلىسىندا ٷش ادام, جامبىل وبلىسىندا ەكٸ ادام, شقو-دا بٸر ادامعا ۆيرۋس جۇقتى.
وسىلايشا, قازاقستاننىڭ بارلىق ايماعىندا كوروناۆيرۋس انىقتالدى.
قوستاناي وبلىسى ەكٸمدٸگٸنٸڭ دەرەگٸنشە, ۆيرۋس جۇقتىرعان تۇرعىن – 1991 جىلى تۋعان ەيەل ادام. ول 23 ناۋرىزدا شارم-ەل-شەيح – الماتى رەيسٸمەن ۇشىپ كەلگەن. الماتىدا الىنعان اناليزٸ تازا بولعان. كەيٸن ول وتار ستانساسىنان پويىزعا وتىرىپ, قوستانايعا كەلگەن. قوستانايدا دا ودان اناليزٸنەن كوروناۆيرۋس تابىلماعان. تەك 12-كٷنٸ عانا كوروناۆيرۋس انىقتالعان. ونىمەن بٸرگە ەگيپەتتەن ۇشىپ كەلگەن ٷش ادامنىڭ جەنە پويىزدا بولعان 12 ادامنىڭ اناليزدەرٸنەن ۆيرۋس تابىلعان جوق.
ال تٷركٸستان وبلىسىندا جۇما كٷنٸ ۆيرۋس تابىلعان ٷش ادامنىڭ ەكەۋٸ – 2019 جىلى تۋعان بالا جەنە ونىڭ شەشەسٸ.
قازٸر قازاقستاندا 460 ادامنان ۆيرۋس تابىلدى. 29 ادام دەرتٸنەن ايىقتى. ٷش ادام قايتىس بولدى. 3 سەۋٸردە قازاقستان دەنساۋلىق ساقتاۋ مينيسترٸ ەلجان بٸرتانوۆ بريفينگ ٶتكٸزٸپ, ەلدە Covid-19 دەرتٸنە شالدىققان 11 ادامنىڭ حالٸ اۋىر ەكەنٸن مەلٸمدەدٸ. بٸرتانوۆتىڭ ايتقان دەرەكتەرٸ:
- قازاقستاندا 28 مەديتسينالىق قىزمەتكەرگە كوروناۆيرۋس جۇققان.
- قازٸر Covid-19 دەرتٸنە شالدىققان 11 ناۋقاستىڭ جاعدايى اۋىر. جانساقتاۋ بٶلٸمٸندە جاتىر. بٸر ناۋقاستىڭ جاعدايى تىم اۋىر. 68 ادامنىڭ جاعدايى ورتاشا, 341 ادامنىڭ جاعدايى جاقسى يا سيمپتومى جوق.
- قازاقستاندا ۆيرۋس جۇقتىرعان 450-دەن استام ناۋقاسپەن 13467 ادام بايلانىستا بولعان. ولاردىڭ اراسىندا 442 ادام ەلدەن شىعىپ كەتكەن. 13025 ادام قازاقستاندا. قازٸر ۆيرۋس جۇقتىرعاندارمەن بايلانىستا بولعان 96,7% وقشاۋلانعان.
- ۆيرۋس تاراعان وشاقتار اۋىلداردا دا بار.
- الماتى مەن نۇر-سۇلتاندا ەنگٸزٸلگەن قاتاڭ كارانتيندٸك شارالاردىڭ ارقاسىندا كوروناۆيرۋستىڭ تارالۋ دەڭگەيٸ تۇراقتاندى. ۆيرۋس جۇقتىرعاندار سانى كٷنٸنە 30 پايىزدان اسپايدى. ەپيدەمييانىڭ دەڭگەيٸ تٶمەندەپ كەلەدٸ.
ايتا كەتەيٸك, وسى ساعاتتا نۇر-سۇلتان قالاسى بويىنشا 199 ادام, الماتى قالاسىندا – 93 ادام, قاراعاندى وبلىسىندا - 22 ادام, اقمولا وبلىسىندا - 19 ادام, اتىراۋ وبلىسى - 20 ادام, جامبىل وبلىسىندا - 8 ادام, شىمكەنت قالاسىندا - 11 ادام, شىعىس قازاقستان وبلىسىندا - 4 ادام, الماتى وبلىسىندا - 9 ادام, اقتٶبە وبلىسىندا - 7 ادام, سولتٷستٸك قازاقستان وبلىسىندا - 18 ادام, پاۆلودار وبلىسىندا - 1 ادام, ماڭعىستاۋ وبلىسىندا - 1 ادام, قىزىلوردا وبلىسىندا - 26 ادام, باتىس قازاقستان وبلىسىندا - 2 ادام, تٷركٸستان وبلىسىندا - 19 ادام, قوستاناي وبلىسىندا - 1 ادام كوروناۆيرۋس جۇقتىرعان.
