مەجٸلٸسٸ دەپۋتاتى, پالاتا تٶراعاسىنىڭ ورىنباسارى البەرت راۋ قوستاناي وبلىسىنداعى بەيٸمبەت مايلين اۋدانىنىڭ اۋىلدارىنا بارىپ, تازا اۋىز سۋمەن قامتۋ جۇمىستارىمەن تانىستى.
اسەنكريتوۆكا, كراسنوسەلسكوە, مايسكوە اۋىلدارىنداعى سۋمەن جابدىقتاۋ نىساندارى «AMANAT» پارتيياسىنىڭ سايلاۋالدى باعدارلاماسىن ورىنداۋدىڭ جول كارتاسىن ٸسكە اسىرۋ اياسىندا قولعا الىنعان.
مىڭنان استام تۇرعىنى بار اسەنكريتوۆكا اۋىلىندا اۋىز سۋ قۇبىرلارى جاڭارتىلىپ, كراسنوسەلسكوە اۋىلىنداعى سۋ قۇبىرىنىڭ قۇرىلىسى جۋىق ارادا اياقتالۋى جوسپارلانىپ وتىر. جوبانىڭ جالپى قۇنى 740 ملن تەڭگەنٸ قۇرايدى.
اۋىل تۇرعىندارى سۋ تاپشىلىعى مەسەلەسٸنەن ارىلىپ, ساپالى اۋىز سۋعا قول جەتكٸزدەرٸن ايتىپ, ريزاشىلىقتارىن بٸلدٸرۋدە.
البەرت راۋ ودان ەرٸ قوستاناي – قارابۇتاق باعىتىنداعى رەسپۋبليكالىق ماڭىزى بار جولدىڭ جٶندەۋ جۇمىستارىمەن تانىستى.
دەپۋتاتتىڭ ايتۋىنشا, قازٸرگٸ تاڭدا اۋىلدىڭ ەلەۋەتٸن كٶتەرۋ ماقساتىندا «اۋىل ەل بەسٸگٸ» جوباسى جٷزەگە اسىرىلىپ جاتىر.
– رەسپۋبليكالىق بيۋدجەتتەن قارجىلاندىرىلعان نىسانداردىڭ جۇمىسى ەردايىم دەپۋتاتتار باقىلاۋىندا. ەسٸرەسە, اۋدانداردىڭ, شالعاي اۋىلداردىڭ ەلەۋمەتتٸك احۋالى باستى نازاردا بولادى. ودان بٶلەك جاڭا جوبالار بويىنشا دا حالىق اراسىندا تٷسٸندٸرۋ جۇمىستارىن دا جٷرگٸزٸپ جاتىرمىز, – دەدٸ ا. راۋ.
بەيٸمبەت مايلين اۋدانىندا قوسالقى شارۋاشىلىقتار مەن اۋىل شارۋاشىلىعى كووپەراتيۆتەرٸن دامىتۋ ٷشٸن شاعىن نەسيەلەر بەرۋ ارقىلى اۋىل حالقىنىڭ تابىسىن ارتتىرۋدىڭ پيلوتتىق جوباسىن ٸسكە اسىرۋ بويىنشا جۇمىستار جٷرگٸزٸلۋدە.
ساپار بارىسىندا دەپۋتات بەرەگوۆوە اۋىلىنداعى گازبەن جابدىقتاۋ جٷيەسٸنٸڭ قۇرىلىسىمەن تانىستى. نىساندار پارتييانىڭ سايلاۋالدى باعدارلاماسىن ٸسكە اسىرۋدىڭ جول كارتاسى شەڭبەرٸندە قۇرىلىس جۇمىستارى قارقىندى جٷرگٸزٸلۋدە.
مەجٸلٸستٸڭ باسپاسٶز قىزمەتٸ
