Májilisi depýtaty, Palata tóraǵasynyń orynbasary Albert Raý Qostanai oblysyndaǵy Beiimbet Mailin aýdanynyń aýyldaryna baryp, taza aýyz sýmen qamtý jumystarymen tanysty.
Asenkritovka, Krasnoselskoe, Maiskoe aýyldaryndaǵy sýmen jabdyqtaý nysandary «AMANAT» partiiasynyń Sailaýaldy baǵdarlamasyn oryndaýdyń Jol kartasyn iske asyrý aiasynda qolǵa alynǵan.
Myńnan astam turǵyny bar Asenkritovka aýylynda aýyz sý qubyrlary jańartylyp, Krasnoselskoe aýylyndaǵy sý qubyrynyń qurylysy jýyq arada aiaqtalýy josparlanyp otyr. Jobanyń jalpy quny 740 mln teńgeni quraidy.
Aýyl turǵyndary sý tapshylyǵy máselesinen arylyp, sapaly aýyz sýǵa qol jetkizderin aityp, rizashylyqtaryn bildirýde.
Albert Raý odan ári Qostanai – Qarabutaq baǵytyndaǵy respýblikalyq mańyzy bar joldyń jóndeý jumystarymen tanysty.
Depýtattyń aitýynsha, qazirgi tańda aýyldyń áleýetin kóterý maqsatynda «Aýyl el besigi» jobasy júzege asyrylyp jatyr.
– Respýblikalyq biýdjetten qarjylandyrylǵan nysandardyń jumysy árdaiym depýtattar baqylaýynda. Ásirese, aýdandardyń, shalǵai aýyldardyń áleýmettik ahýaly basty nazarda bolady. Odan bólek jańa jobalar boiynsha da halyq arasynda túsindirý jumystaryn da júrgizip jatyrmyz, – dedi A. Raý.
Beiimbet Mailin aýdanynda qosalqy sharýashylyqtar men aýyl sharýashylyǵy kooperativterin damytý úshin shaǵyn nesieler berý arqyly aýyl halqynyń tabysyn arttyrýdyń pilottyq jobasyn iske asyrý boiynsha jumystar júrgizilýde.
Sapar barysynda depýtat Beregovoe aýylyndaǵy gazben jabdyqtaý júiesiniń qurylysymen tanysty. Nysandar partiianyń sailaýaldy baǵdarlamasyn iske asyrýdyń Jol kartasy sheńberinde qurylys jumystary qarqyndy júrgizilýde.
Májilistiń Baspasóz qyzmeti
