قوستاناي وبلىسىندا جەر تەلٸمدەرٸن پايداعا جاراتا الماي جٷرگەندەر ەكٸمشٸلٸك جاۋاپقا تارتىلدى, دەپ حابارلايدى "ۇلت اقپارات".
قوستاناي وبلىسىندا پايدالانىلماعان جەرلەردٸ قايتارۋ جٶنٸندە جٷيەلٸ جۇمىستار جٷرگٸزٸلٸپ جاتىر. 6 جىل ٸشٸندە قايتارىلعان جەرلەردٸڭ جالپى كٶلەمٸ 1 ملن گەكتاردان اسادى. قوستاناي وبلىسى ەكٸمدٸگٸنٸڭ جەردٸڭ پايدالانىلۋى مەن قورعالۋىن باقىلاۋ باسقارماسى باسشىسىنىڭ ورىنباسارى ەسەل تابەرگەنوۆانىڭ ايتۋىنشا, ٶزدەرٸنە بەرٸلگەن القاپتاردى پايداسىنا جاراتا الماي جٷرگەندەر ەكٸمشٸلٸك جاۋاپقا تارتىلدى.
«ەلٸمٸزدە كەدەگە جاراتىلماعان القاپتاردى تٷگەندەۋ جۇمىستارى بٸرنەشە جىل قاتارىنان جٷرگٸزٸلٸپ جاتىر. جەر ۋچاسكەسٸن ۇتىمدى پايدالانباۋ قاتاڭ تەكسەرٸلەدٸ. 2012-2018 جىلدار ارالىعىندا ايماقتا پايدالانىلماي بوس جاتقان 1 ملن 578 مىڭ گەكتار انىقتالدى. ونىڭ 1 ملن 256 مىڭى جايىلىمعا ارنالعان بولسا, قالعانى ەگٸندٸك جەرلەر. 1 ملن گەكتار جەر ماقساتتى قولدانىلماعانى ٷشٸن مەملەكەت مەنشٸگٸنە قايتارىلدى. ال قۇرىلىسقا ارنالعان القاپتى تەرٸس ماقساتتا پايدالانعان 36 جەر ۋچاسكەسٸنٸڭ يەسٸ جازاعا تارتىلدى. ولار 1 جىلدان استام ۋاقىت بويى جەردٸ الىپ, ەشقانداي قۇرىلىس سالماعان. قاعاز جٷزٸندە قوجايىندارىنا ەسكەرتۋ جاسالدى. ەرٸ قاراي سوتتىڭ قاراۋىنا جٸبەرٸلەدٸ», - دەيدٸ ەسەل تابەرگەنوۆا.
جالپى, قوستاناي وبلىسىندا 17 ملن گەكتار جەر اۋىل شارۋاشىلىعىنا قولدانۋعا ارنالعان.
