فوتو: © Sputnik / تيمۋر باتىرشين
قوستاناي قالاسىنىڭ پروكۋراتۋراسى بٸلٸم بٶلٸمٸمەن بٸرلەسٸپ, مەكتەپتەردەگٸ قاۋٸپسٸزدٸك دەڭگەيٸن تەكسەردٸ.
الايدا تەكسەرٸس نەتيجەسٸ كٶڭٸل كٶنشٸتپەي وتىر. پروكۋراتۋرا ٶكٸلدەرٸ بارعان بارلىق مەكتەپتە – 16, 14, 19, №1 جەنە №2 ليتسەيلەرٸ, گوركيي جەنە مەۋلەنوۆ اتىنداعى گيمنازييالاردا زاڭبۇزۋشىلىق انىقتالعان, دەپ حابارلايدى Sputnik قازاقستان سايتى "الاۋ" پورتالىنا سٸلتەمە جاساپ.
قوستاناي قالالىق پروكۋراتۋراسىنىڭ اعا پروكۋرورى ەلميرا نۇرقانوۆانىڭ ايتۋىنشا, ولار مەكتەپتەرگە گراناتانىڭ مۋلياجىمەن كٸرٸپ كٶرگەن. انىقتالعانداي, كٷزەتشٸلەر كٸرەبەرٸستە ەشكٸمدٸ تەكسەرمەيدٸ.
"مەنٸڭ سٶمكەمدە گراناتانىڭ مۋلياجى جاتقان, مەنٸ ەش كەدەرگٸسٸز كٸرگٸزدٸ. ال ەرٸپتەسٸم, تٸپتٸ, قولىنداعى "گراناتامەن" ٸشكە كٸرٸپ كەتتٸ. مەكتەپ عيماراتىنا تىپ-تىنىش ٶتكەن", - دەيدٸ نۇرقانوۆا.
ەرەجەگە سەيكەس, كٷزەتشٸ مەكتەپكە كٸرەتٸن بٶتەن ادامداردى مەتالل ٸزدەگٸشتٸڭ كٶمەگٸمەن تەكسەرۋٸ كەرەك. ەگەر ول دىبىس شىعارسا, سٶمكەسٸن اشىپ كٶرسەتۋدٸ سۇراۋعا قۇقىلى. الايدا قوستانايداعى مەكتەپتەردە مۇنداي تەكسەرٸس جٷرگٸزٸلمەيدٸ.
سونداي-اق پروكۋراتۋرا قىزمەتكەرلەرٸ ەۆاكۋاتسييالىق ەسٸكتەردٸ دە تەكسەرگەن. №19 مەكتەپ پەن گوركيي اتىنداعى گيمنازييادا ولار جابىق تۇرعان.
تەكسەرٸس بارىسىندا پۋلتتٸك كٷزەت تە ٶز فۋنكتسيياسىن ورىندامايتىنى انىقتالدى.
"كەلٸسٸمشارت نەگٸزٸندە قىزمەت كٶرسەتەتٸن پۋلتتٸك كٷزەت مەكتەپكە 5-10 مينۋتتا جەتۋگە مٸندەتتٸ. الايدا ٸس جٷزٸندە ولار كەشٸگٸپ كەلەدٸ. مەسەلەن, №14 مەكتەپكە پۋلتتٸك كٷزەتتٸڭ قىزمەتكەرلەرٸ دابىل تٷيمەسٸن باسقاننان كەيٸن 27 مينۋتتان سوڭ بٸر-اق جەتكەن", - دەيدٸ ەلميرا نۇرقانوۆا.
تەكسەرٸس نەتيجەسٸ بويىنشا پروكۋراتۋرا بٸلٸم بٶلٸمٸنە زاڭبۇزۋشىلىقتاردى جويۋ بويىنشا ۇيعارىم جٸبەرەدٸ. بٸلٸم بٶلٸمٸ پروبلەمالار بارىن جوققا شىعارعان جوق. مامانداندىرىلعان كٷزەت قىزمەتتەرٸ ەندٸ ٸسكە كٸرٸسكەندٸكتەن, جۇمىس پىسىقتالىپ جاتىر, دەيدٸ ولار. مىسالى, كٷزەتشٸلەر ٷشٸن جاس شەكتەۋٸ ەنگٸزٸلگەن. ەندٸ 50 جاسقا دەيٸنگٸ ادامدار عانا مەكتەپكە كٷزەتشٸ بولىپ ورنالاسا الادى.
پروكۋرورلار باسقا بٸلٸم وشاقتارىن دا تەكسەرۋدٸ جوسپارلاپ وتىر. سونىمەن قاتار تەكسەرٸپ ٶتكەن مەكتەپتەرگە قايتا بارىپ, ولقىلىقتاردى جويىپ-جويماعانىن انىقتايدى.
