قر يندۋسترييا جەنە ينفراقۇرىلىمدىق دامۋ مينيسترٸ رومان سكلياردىڭ ەل الدىنداعى ەسەپتٸك كەزدەسۋٸندە نۇر-سۇلتان قالاسىنىڭ ٸرگەسٸندەگٸ قوسشى اۋىلىن سۋمەن قامتاماسىز ەتۋ مەسەلەسٸ كٶتەرٸلدٸ, دەپ حابارلايدى قازاقپارات تٸلشٸسٸ.
كەنت تۇرعىنى كٶپقاباتتى ٷيلەردە سۋدىڭ بەرٸلۋٸ ەركەلكٸ ەكەنٸن ايتىپ, بۇل مەسەلەنٸڭ قاشان تٷبەگەيلٸ شەشٸلەتٸنٸن سۇرادى. اۋىل تۇرعىنىنىڭ سۇراعىنا جاۋاپ بەرگەن قۇرىلىس كوميتەتٸنٸڭ تٶراعاسى مارحابات جايىمبەتوۆ سوڭعى جىلدارى اۋىلدىڭ حالقى جىلدام ٶسٸپ كەلە جاتقانىن ايتتى.
«سوڭعى 5 جىلدا قوسشى ەلدٸ مەكەنٸنٸڭ حالقى 2 ەسە كٶبەيٸپ, 50 مىڭعا جەتتٸ. ياعني تەۋلٸگٸنە 10 مىڭ تەكشە مەتر سۋ قاجەت. ال مٷمكٸندٸك تەۋلٸك سايىن 4,5 مىڭ تەكشە مەتر سۋ بەرۋگە جەتەدٸ. سوندىقتان, مينيسترلٸك سوڭعى ەكٸ جىلدا بۇل مەسەلەنٸ شەشۋ ٷشٸن 2 ملرد تەڭگە بٶلگەن بولاتىن. ول قارجىعا 14 ۇڭعىما قازىلىپ, 6 شاقىرىم قۇبىر تٶسەلدٸ. سۋ تازارتقىش نىسان دا سالىندى. ال بيىل ۇلتتىق ەكونوميكا مينيسترٸ 513 ملن تەڭگە بٶلدٸ. وسىنىڭ ارقاسىندا جىل سوڭىنا دەيٸن قوسشى ەلدٸ مەكەنٸن ساپالى اۋىز سۋمەن قامتاماسىز ەتۋ مەسەلەسٸ شەشٸلەدٸ دەگەن جوسپارىمىز بار», - دەدٸ مارحابات جايىمبەتوۆ.
