كٶشەدە ازاماتتارعا ماسكاسىز جٷرگەنٸ ٷشٸن ايىپپۇل سالعان دۇرىس پا? بۇل سۇراققا رەسپۋبليكالىق ارنايى مونيتورينگ توبى تٶراعاسىنىڭ ورىنباسارى رافاەل گاسانوۆ جاۋاپ بەردٸ, دەپ حابارلايدى قازاقپارات.
بٷگٸن سىبايلاس جەمقورلىققا قارسى ٸس-قيمىل اگەنتتٸگٸندە رافاەل گاسانوۆتىڭ قاتىسۋىمەن باسپاسٶز مەسليحاتى ٶتتٸ. باسپاسٶز مەسليحاتى بارىسىندا سپيكەرگە «قازاقستاننىڭ كەيبٸر ٶڭٸرٸندە موبيلدٸ توپتار (قۇرامىنداعى پوليتسييا قىزمەتكەرلەرٸ ارقىلى) كٶشەدە ماسكاسىز جٷرگەن ازاماتتارعا ەكٸمشٸلٸك كودەكستٸڭ 425-بابىن نەگٸزگە الىپ, 40 مىڭ تەڭگەدەن ارتىق ايىپپۇل سالعان. بۇل زاڭدى ما?» دەگەن سۇراق قويىلعان بولاتىن.
بۇل سۇراققا جاۋاپ بەرگەن رافاەل گاسانوۆ ەڭ الدىمەن ەلدەگٸ بٷكٸل ەكٸمدٸكتەرگە ٷندەۋ جولدادى.
«تىڭداڭىزدار! جازالاۋدان بۇرىن پرەۆەنتسيياعا جۇمىس ٸستەۋ كەرەك. ادامدارعا الدىمەن تٷسٸندٸرگەن ابزال. سۇراق دۇرىس قويىلىپ وتىر. ٶز باسىم ازاماتتارعا جٶنسٸز ايىپپۇل سالىنا بەرمەۋٸ كەرەك دەپ ەسەپتەيمٸن. حالىق الدىمەن سالىق تٶلەپ وتىر. سول سالىقتان ولار (ەكٸمدٸك قىزمەتكەرلەرٸ) ايلىق الادى. ياعني, حالىققا باس-كٶز جوق ايىپپۇل سالا بەرمەي, جادىنامالاردى تاراتىپ, تٷسٸندٸرمە جۇمىستارىن كٷشەيتكەن ابزال. بٸر سٶزبەن اقپاراتتىق تٷسٸندٸرۋ جۇمىسى جاپپاي جٷرگٸزٸلۋٸ كەرەك. الدىمەن تٷسٸنٸك جازدىرۋ كەرەك, بولماسا بٸر رەت ەسكەرتۋ جاساعان دۇرىس», - دەيدٸ رافاەل گاسانوۆ.
ونىڭ ايتۋىنشا قوعامدا شىنىندا دا تەرتٸپتٸ ٶرەسكەل بۇزاتىندار بار. رافاەل گاسانوۆ سونىمەن قاتار بۇل وقيعالاردىڭ زاڭدىلىعىن انىقتاۋعا ۋەدە بەردٸ.
«ٶزٸمٸز دە ەل ٸشٸن ارالاپ جٷرمٸز. تەرتٸپتٸ ٶرەسكەل بۇزعان ازامات سول مەملەكەتتٸك قىزمەتشٸنٸڭ ٶزٸنە دە ارىز جازۋى مٷمكٸن. وسى كەزدە اراعا قوعام ٶكٸلدەرٸ كٸرۋٸ كەرەك. بەرٸمٸز ادامبىز عوي. سولاي ەمەس پە? بۇل مەسەلەنٸڭ كەمشٸلٸكتەرٸ دە, ارتىقشىلىقتارى دا بار. جازالاۋ ەدٸسٸنە سالساق, ەندەشە ەلدٸڭ جارتىسىنا ايىپپۇل سالايىق. بۇل اقىماقتىق بولار ەدٸ», - دەدٸ رافاەل گاسانوۆ.
