ەلەم ەلدەرٸ بۇل كٷندە شىبىنداي جاننىڭ ەسەندٸگٸ ٷشٸن بارىن سالىپ ارپالىسىپ جاتىر. قىتايدان باس العان «اتى جامان» ٸندەتتٸڭ ەلەمنٸڭ ەر تۇرعىنىن ۇيقى-كٷلكٸدەن ايىرىپ, الاڭداۋلى كٷيگە تٷسٸرەر دەپ بەس-التى اي بۇرىن ەشكٸم دە ويلاعان جوق.
قازاق بالاسى «كٶپپەن كٶرگەن ۇلى توي» دەگەندٸ كٶبٸندە جاقسىلىققا جوري ايتاتىن. ٶكٸنٸشكە قاراي كٶپپەن بٸرگە كٶرەر قيىنشىلىق بٸزدٸڭ دە ەلدٸڭ باسىنا تٷسكەن سىن ساعاتتا ەل پرەزيدەنتٸ مەن ٷكٸمەت مٷشەلەرٸنٸڭ ۇيقى-كٷلكٸ كٶرمەي جۇرتىمىزدىڭ باس اماندىعىنا جاساپ جاتقان قيمىل-ەرەكەتتەرٸ جٷرەگٸمٸزدەگٸ ٷمٸت شوعىن ٷرلەي تٷسكەنٸنە قۋاندىق!
ەرينە, ەل باسشىلارى مەن قايراتكەر تۇلعالاردىڭ تىنىمسىز ەرەكەتٸ مەن قوسا جالپىحالىقتىڭ ىنتىماققا ىمىرالاسىپ, جۇدىرىقتاي جۇمىلعانى قاجەت! اقپاراتتىق كەڭٸستٸكتٸڭ تىم ەركٸندٸگٸ دە «قورىققانعا قوس كٶرٸنەتٸن» ۋاقىتتا حالىقتىڭ ٷرەيٸن ۇشىرۋعا بەيٸل-اق. تەرتٸپتٸڭ تەمٸردەي قاتتىلىققا كٶشكەنٸنە مويىنۇسىنىپ, بەرەكەنٸڭ كەلەكەگە اينالماۋىن ەر قازاقستاندىق ازامات بٸلۋگە جەنە ساقتاۋعا تيٸستٸ ەكەنٸن, ٶز دەنساۋلىعىمەن قاتار ۇلت قاۋٸپسٸزدٸگٸنٸڭ كەپٸلٸ بولارىن بٸلگەن جٶن. تاعدىردىڭ تالاي اششى دەمٸن تاتقان, باسىنان ٶتكەرگەن اتى جامان وبا مەن تىرىسقاقتى دا جەڭٸپ, اشتىق پەن قاستىقتى دا كٶرگەن الاش بالاسى بۇل بۇلاعاي كٷندەردٸ دە ارتقا تاستايتىنىنا كٶڭٸل سەنەر.
تۇڭعىش پرەزيدەنت – ەلباسى دا ەل-جۇرتتى بەرەكەگە شاقىرىپ, ۇلتىم دەيتٸن ازاماتتارعا تاستاپ جاتقان جاۋاپتى دا ساۋاپتى ٷندەۋٸ – كٶشەلٸ ۇلت كٶسەمٸنٸڭ كٶرگەندٸ دە كٶرەگەن ساياساتكەرلٸگٸ! وسى رەتتە بٸر ادامنىڭ جاۋاپكەرشٸلٸگٸن اتام قازاق «جالعىز قۋراي – جەل جارار» دەپ بەينەلەپ ايتقان ەكەن. مامىراجاي كٷندە ماي كەكٸرٸپ وتىرىپ تويلار توي-تومالاقتى دا دوعارا تۇرۋعا سابىر-شىدامىمىز جەتەتٸن ەل ەمەس پە ەدٸك?! كارانتين رەجيمٸن سەل بوساڭسىتقانعا جاپاتارماعاي اشىق-شاشىقتىققا كٶشۋگە ەلٸ ەرتە ەكەنٸن ەسكەرتكەن ەل ٷكٸمەتٸنٸڭ سٶزٸن قۇلاققا نەگە ٸلمەيمٸز?! «قورىققانعا قوس كٶرٸنەتٸن» ۋاقىتتا بەزبٸرەۋلەردٸڭ «كٶرشٸنٸڭ ٶرتەنگەن شٶبٸنە باس, سيراق ٷيتٸپ» العىسى كەلەتٸن پاسىق پيعىلىنا ەرە كەتۋگە جول بەرمەسەك ەكەن. الاڭعا شىعىپ, اتتان سالىپ ايعايلاعاننان ۇلتتىڭ تٷگەندەلەر ۇپايىن كٶرٸپ تۇرعان جوقپىن. قىسىلتاياڭ شاقتا قۇلاق سارسىتار قاڭقۋ سٶزگە ەرە كەتۋ – ٶركەنيەتتٸ قوعام ٶكٸلٸنٸڭ تٸرلٸگٸ ەمەس ەكەنٸن تٷسٸنەر ٶرەمٸز قايدا?! «ەل بٷلٸنٸپ, ەرتٸس بۇزىلعان جوق»! مەن-ماعىناسىز «بەيبٸت شەرۋلەتٸپ», دەل وسى تۇستا ايعايعا سٷرەن قوسىپ, ايتاققا ٷرە جٶنەلەردەي ەش نەگٸز جوق سەكٸلدٸ. سول «الاڭ اڭساعان» اعايىنداردىڭ مىنا پاندەمييالىق جاعدايدا جالپى كٶپتٸڭ دەنساۋلىعىنا كەپٸلدٸك بەرە المايتىنى بەس ەنەدەن بەلگٸلٸ. تىم بولماعاندا اتىڭ ٶشكٸر ٸندەتتٸڭ اۋىزدىقتالۋىنا ەرقايسىمىزدىڭ جاۋاپكەرشٸلٸكپەن قاراۋعا سانا-سەزٸمٸمٸز جەتپەسە سول, ەلدٸگٸمٸزگە ٷلكەن سىن!
تٸپتٸ, ەلەمدٸ ەبٸگەرگە تٷسٸرگەن جۇقپالى دەرتكە قوعام اراسىندا ەلٸ كٷنگە سەنبەيتٸندەردٸڭ قاراسى كٶبەيگەنٸ جانىڭدى قىنجىلتاتىنى راس. دٷنيە جٷزٸن الاڭداتقان, شارۋاسىن شاتقاياقتاتقان پاندەمييادان ساياسي استار ٸزدەۋدٸڭ كٶكٸرەك كٶزٸ اشىق قازاق بالاسىنا ۇياتتىلاۋ دا تٸرلٸك ەكەنٸ جانىڭدى اۋىرتادى. مەملەكەتتٸك شەكاراڭ شەگەندەلٸپ, كٶك اسپاندا قىران قاناتتى بايراعىڭ جەلبٸرەپ تۇرعاندا قارا اسپاندى تٶندٸرۋ, جاڭبىر جاۋماي سۋ بولۋ – قانشالىقتى اقىلعا سىيىمدى?!
كەيدە «ات شاپقانعا يت شاپقان» تٸرلٸكتٸ دوعارا الماي قالاتىن ەلمٸز بە دەيمٸن. ىنتىماقتى ىدىراماي تۇرىپ ويلاعان اتا-بابا ۇرپاعى ەمەس پە ەدٸك, ساماۋرىن تاسىعانىن سامارقاندى سۋ الدى دەپ ەستيتٸن ەنجار قۇلاقتىق دەل بٸزدٸڭ ۇلت ٶكٸلدەرٸنە جاراسپاس?!
«قورىققان بويعا قۇت» دەگەن اتام قازاق! بەرەكەنٸڭ بۇزىلۋىنان قورقايىق, جامان ٸندەتتٸڭ ەل ٸشٸنە كەڭ جايىلۋىنان قورقايىق! ەل پرەزيدەنتٸ قاسىم-جومارت كەمەلۇلى سالقىنقاندى ساياساتكەر رەتٸندە الىس-جاقىن ەلدەردٸڭ پاندەمييالىق اپاتپەن كٷرەسۋدٸڭ وزىق تەجٸريبەلەرٸنە سٷيەنە وتىرىپ, ەلدەگٸ جاعدايدى بارىنشا حالقىمىزعا تيٸمدٸ جاقتا قاراستىرىپ, تيٸستٸ تاپسىرمالار مەن شەكتەۋلەردٸ قولعا العانى كٶكەيگە قونىمدى ٸس بولدى. ەندٸ وسى ناقتى شارالاردىڭ وڭ نەتيجەلەرٸن كٶرۋٸمٸز ٷشٸن جۇدىرىقتاي جۇمىلعانىمىز ابزال بولار. سانالى حالىق ٶكٸلٸ رەتٸندە ەر وتانداستىڭ ازاماتتىعى مەن ارى سىنعا تٷسكەن شاقتا تاعى دا «مالىڭ مەنەن جانىڭدى ساداعا دەپ, اردىڭ تۋىن كٶتەرگەن» الاش بالاسىنىڭ بەرەكەگە ۇيىپ, تەرتٸپكە باعىنىپ, كەساپاتتىڭ قاقپان تٸلٸن باسپايتىندىعىنا سەنٸپ, جاماندىقتى اماندىق جەڭەتٸنٸن جارقىن كٷندەرگە بٸرگە جەتەيٸك, تٷندەرٸڭٸز تىنىش, كٷندەرٸڭٸز مامىراجاي بولسىن, الاش بالاسى!
دەۋلەتكەرەي كەپۇلى
اقىن, قر ەڭبەك سٸڭٸرگەن قايراتكەرٸ.
