كوررۋپتسيياعا قارسى ٸس-قيمىل ۇلتتىق بيۋروسى بٷگٸن رەسپۋبليكالىق بيۋدجەتتٸڭ ورىندالۋىن باقىلاۋ جٶنٸندەگٸ ەسەپ كوميتەتٸنٸڭ ەكٸ قىزمەتكەرٸ ۇستالعانىن حابارلادى. بيۋرو اقپاراتىنا قاراعاندا, مەملەكەتتٸك اۋديتورلار ب.كوپوباەۆا مەن ا.جەڭگٸرباەۆا "قازاۆتوجول" مەكەمەسٸنٸڭ باسشىلىعىنان پارا الدى دەگەن كٷدٸكپەن ۇستالعان. بيۋرو اۋديتورلار "اۋديتورلىق ەسەپتە بيۋدجەت قارجىسىن ماقساتسىز جۇمساۋ جايتى بولعانىن كٶرسەتپەۋ ٷشٸن" 16 ميلليون تەڭگە (47 مىڭ دوللار كٶلەمٸندە) پارا العان دەيدٸ.
ەسەپ كوميتەتٸ ٶكٸلدەرٸنە بەرٸلەتٸن اقشا "قازاۆتوجول" مەكەمەسٸنٸڭ وبلىستىق فيليالدارىنىڭ باسشىلارىنان جينالعان.
كوررۋپتسيياعا قارسى ٸس-قيمىل ۇلتتىق بيۋروسى ەسەپ كوميتەتٸنٸڭ قىزمەتكەرلەرٸمەن بٸرگە "قازاۆتوجول" مەكەمەسٸنٸڭ باس ديرەكتورى س.مۇقاشەۆ پەن ونىڭ ورىنباسارى ە.شەمٸشەۆ, باس ەسەپشٸ, ەكٸ بٶلٸم جەتەكشٸلەرٸ مەن وبلىستىق فيليالداردىڭ جەتەكشٸلەرٸنٸڭ دە ۇستالعانىن ايتادى.
