Korrýptsiiaǵa qarsy is-qimyl ulttyq biýrosy búgin respýblikalyq biýdjettiń oryndalýyn baqylaý jónindegi esep komitetiniń eki qyzmetkeri ustalǵanyn habarlady. Biýro aqparatyna qaraǵanda, memlekettik aýditorlar B.Kopobaeva men A.Jáńgirbaeva "Qazavtojol" mekemesiniń basshylyǵynan para aldy degen kúdikpen ustalǵan. Biýro aýditorlar "aýditorlyq esepte biýdjet qarjysyn maqsatsyz jumsaý jaity bolǵanyn kórsetpeý úshin" 16 million teńge (47 myń dollar kóleminde) para alǵan deidi.
Esep komiteti ókilderine beriletin aqsha "Qazavtojol" mekemesiniń oblystyq filialdarynyń basshylarynan jinalǵan.
Korrýptsiiaǵa qarsy is-qimyl ulttyq biýrosy esep komitetiniń qyzmetkerlerimen birge "Qazavtojol" mekemesiniń bas direktory S.Muqashev pen onyń orynbasary E.Shámishev, bas esepshi, eki bólim jetekshileri men oblystyq filialdardyń jetekshileriniń de ustalǵanyn aitady.
