جىل باسىنان بەرٸ كوروناۆيرۋس ينفەكتسيياسىنا قاتىستى جاعدايدىڭ ۋشىعۋى ەلەم ەلدەرٸن الاڭداتىپ وتىرعانى بەلگٸلٸ. سەيكەسٸنشە, تيٸستٸ شەكتەۋ شارالارىن قابىلداۋدىڭ ارقاسىندا ٸندەتتٸڭ تارالۋىن ايتارلىقتاي تەجەۋ مٷمكٸن بولدى. وسى ورايدا بٷگٸن دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ كوروناۆيرۋسقا قارسى كٷرەستٸڭ نەتيجەلەلەرٸ جايىندا باياندادى.
«قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ رەتٸندە اپتا سايىن ەلٸمٸزدەگٸ ەپيدەميولوگييالىق احۋال جٶنٸندە جەنە حالىققا كٶرسەتٸلٸپ جاتقان مەديتسينالىق جەردەم تۋرالى اقپارات بەرٸپ تۇراتىن بولامىز. سونىمەن قاتار, ٸندەتكە قارسى كٷرەستٸڭ نەتيجەلەلەرٸ جايىندا باياندايمىن», - دەدٸ باعدات قوجاحمەتوۆ.
وسى ورايدا ول مينيسترلٸكتٸڭ اتىنا كەلٸپ تٷسەتٸن ارىز-شاعىمدارعا جەدەل جاۋاپ بەرۋگە ەزٸر ەكەندٸكتەرٸن اتاپ ٶتتٸ.
«باسپاسٶز مەجٸلٸسٸندە قويىلاتىن سۇراقتاردان بٶلەك, مەنٸڭ جەكە پاراقشاما جٸبەرٸلگەن سۇراقتاردى, ەلەۋمەتتٸك جەلٸدە ايتىلاتىن ساۋالداردىڭ بارلىعىن قامتۋعا تىرىسامىز», - دەدٸ رەسمي ٶكٸل.
سونىمەن قاتار ول قازاقستاندا كوروناۆيرۋستى جۇقتىرۋ ٶسٸمٸ توقتاعانىن جەتكٸزدٸ. ەل بويىنشا جاعداي ايتارلىقتاي جاقساردى. اتقارۋشى بيلٸك احۋالدى قاتاڭ باقىلاۋدا ۇستاپ وتىر. مەديتسينالىق قاۋىمداستىقتىڭ سانيتارلىق-ەپيدەميولوگييالىق قىزمەتٸ ٶزٸنە جٷكتەلگەن مٸندەتٸن تولىق كٶلەمدە ورىنداپ جاتىر.
«وسىلايشا, ەلٸمٸز ەڭ كٷردەلٸ كەزەڭدٸ ارتتا قالدىردى دەسەك بولادى. بٸراق جەتكەن جەتٸستٸككە قۋانىپ, بوساڭسۋعا بولمايدى. ەندٸگٸ مٸندەتٸمٸز – ٸندەتتٸ جۇقتىرۋ مەن ٶلٸم-جٸتٸمدٸ توقتاتۋ. وسى رەتتە بارشا قازاقستاندىقتارعا سانيتارلىق ەرەجەلەردٸ ورىنداۋعا شاقىرامىن», - دەدٸ ب. قوجاحمەتوۆ.
رەسمي ستاتيستيكاعا كەلەتٸن بولساق, بيىلعى 13 ناۋرىزىنان باستاپ قازاقستاندا كوروناۆيرۋستىق ينفەكتسييامەن 99 442 ادام اۋىردى. جازىلىپ شىققان ناۋقاستاردىڭ سانى 72 523 نەمەسە 72,9 پايىز. ستاتسيونارلاردا 4 713 ادام ەم قابىلداۋدا جەنە 20 937 امبۋلاتورلىق جاعداي ەمدەلۋدە.
ناۋقاستاردىڭ اراسىندا 246 ادامنىڭ دەنساۋلىعى ناشار, 69 ادامنىڭ دەنساۋلىعى ٶتە ناشار دەپ باعالاندى. جالپى 70 ناۋقاس ٶكپەنٸ جاساندى جەلدەتۋ اپپاراتىندا جاتىر. سوڭعى بٸر تەۋلٸكتە COVID-19 ۆيرۋسىن 741 ادام جۇقتىردى.
«دٷنيەجٷزٸلٸك دەنساۋلىق ساقتاۋ ۇيىمىنىڭ ۇسىنىسى بويىنشا 1 تامىزدان باستاپ كوروناۆيرۋستىق ينفەكتسييا جەنە وعان ۇقساس بەلگٸلەرٸ بار پنەۆمونييا دەرەكتەرٸن ستاتيستيكا قاتارىنا قوستىق. وسىدان كەيٸن ەلٸمٸز ٸندەتتٸڭ تارالۋى كٶرسەتكٸشٸ بويىنشا ەلەمدٸك رەيتينگتە بٸر ساتىعا عانا كٶتەرٸلدٸ. بۇعان دەيٸن بٸز 27-شٸ ورىدا بولساق, قازٸر 26-شى ورىنعا تۇراقتادىق. بٸراق, بۇل كٶرسەتكٸشكە قاراپ جٸگەردٸ جاسىتۋعا بولمايدى, بٸز ٷشٸن ەڭ ماڭىزدىسى – كٷرەستٸ كٷشەيتٸپ, جاعدايدى ودان ەرٸ جاقسارتۋ», - دەدٸ باعدات قوجاحمەتوۆ.
ايتا كەتەيٸك, ناۋرىز ايىنان باستاپ بالالاردىڭ كوروناۆيرۋس ينفەكتسيياسىن جۇقتىرۋدىڭ 2 257 جاعدايى تٸركەلدٸ. ونىڭ ٸشٸندە قازٸرگٸ كەزدە قازاقستان اۋرۋحانالارىندا 114 بالا جاتىر.
ۆەدومستۆو مەلٸمەتٸنە قاراعاندا, كارانتيننٸڭ 5 اپتاسىندا, وسى شٸلدە ايىنىڭ باسىنان بەرٸ اۋرۋحانالارداعى ورىندار 60 پايىزعا بوسادى. ونىڭ ٸشٸندە جانساقتاۋ ساقتاۋ بٶلٸمٸندەگٸ ورىندار 58 پايىزعا دەيٸن بوساپ وتىر. جەدەل جەردەمگە حابارلاسۋ ايتارلىقتاي ازايدى, كۆي بويىنشا 68 پايىزعا تٶمەندەدٸ. قابىلدانعان كەشەندٸ شارالاردىڭ نەتيجەسٸندە جازىلىپ شىققان ناۋقاستاردىڭ سانى 73 پايىزعا ٶستٸ.
ەمحانادا دەرٸ تەگٸن بەرٸلمەك
«قابىلدانعان شارالاردىڭ نەتيجەسٸندە قازٸر قولىمىزدا جان-جاقتى سارالانعان مەلٸمەتتەر بار. بۇل بٸزگە بولاشاققا جوسپار قۇرىپ, الدىن الا دايىندالۋدا مٷمكٸندٸك بەرەدٸ. ياعني, ٸندەتتٸڭ كٷزدە كٷتٸلەتٸن جاڭا تولقىنىنا قارسى تۇرۋ ٷشٸن ماتەريالدى ەرٸ ادامي رەسۋرستاردى تولىعىمەن دايىنداۋعا جاعداي جاسالدى», - دەدٸ باعدات قوجاحمەتوۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
اتاپ ايتقاندا, پروۆيزورلىق ورتالىقتاردا جەدەل ەرەكەت ەتۋ ٷشٸن مەديتسينالىق قىزمەتكەرلەردٸ دايىنداۋدان بٶلەك, دەرٸ-دەرمەكتەرمەن تولىقتىرۋ بويىنشا اۋقىمدى جۇمىس اتقارىلۋدا. كوروناۆيرۋسپەن جەنە كۆي-عا ۇقساس بەلگٸلەرٸ بار پنەۆمونييامەن سىرقاتتانعان ناۋقاستار ٷشٸن الدىن الا بٸر ايلىق قورعا ەسەپتەلٸنگەن پرەپاراتتار ساتىپ الىندى. قازٸرگٸ ۋاقىتتا ٶڭٸرلەرگە 8,7 ملرد تەڭگە بولاتىن 91 تٷرلٸ دەرٸ-دەرمەك جٶنەلتٸلدٸ. بۇل ورتاشا ەسەپپەن 40 مىڭ ناۋقاسقا جەتەدٸ.
ونىڭ سٶزٸنە قاراعاندا, 15 تامىزدان باستاپ تاعى ەكٸ ايعا جەتەتٸن قور ەزٸرلەنەدٸ. ستاتسيونارداعى 200 مىڭ ناۋقاسقا جەتەتٸن دەرٸ-دەرمەكتٸڭ 50 تٷرٸ قامتىلماق.
«سونىمەن قاتار, امبۋلاتورلىق جاعدايدا ەم الاتىن بٸر ميلليون ناۋقاستى ەمدەۋگە ارنالعان دەرٸ-دەرمەكتٸڭ 5 تٷرٸن ساتىپ الۋ ٷردٸسٸ اياقتالۋدا. دەل وسىنداي اۋقىمدى شارالار العاشقى رەت قابىلدانىپ وتىر. سىرقاتتانىپ, ۆيرۋس جۇقتىرۋ بويىنشا كٷدٸكتەنسەڭٸز, تٸركەلگەن ەمحاناعا بارىپ قارالساڭىز بولادى. ەگەر ۆيرۋس جۇقتىرعانىڭىز انىقتالسا, بۇرىنعىداي دەرٸحانا جاعالاپ جٷرمەي-اق قويىڭىزدار! بارلىق ەمحانالاردا قاجەتتٸ دەرٸ-دەرمەك بار جەنە اقىسىز بەرٸلەدٸ.
اتاپ ايتقاندا, پاراتسەتامول, يبۋپروفەن جەنە باسقا دا قاجەتتٸ پرەپاراتتار اپتانىڭ سوڭىنا دەيٸن ەلٸمٸزدٸڭ بارلىق ەمحانالارىنا جەتكٸزٸلەدٸ. دەرٸ-دەرمەكتەردٸ جەتكٸزۋ «سق-فارماتسييا» كومپانيياسى تاراپىنان جٷرگٸزٸلٸپ جاتىر», - دەدٸ ول.
