58 جاستاعى التىناي ٶتەسٸنوۆا 3 شٸلدە كٷنٸ قالاداعى كٶپبەيٸندٸ ستاتسيونارعا اۋىر جاعدايدا تٷسكەن. قازٸر ناۋقاستىڭ بەتٸ بەرٸ قاراپ, ساۋىعىپ كەلەدٸ, دەپ حابارلايدى قازاقپارات.
بٸراق دەرٸگەرلەر پاتسيەنتتٸڭ جاعدايى تۇراقتى اۋىر ەكەندٸگٸن جاسىرمايدى. ستاتسيونارعا كەۋدەسٸندەگٸ اۋىرسىنۋ سيمپتومدارىمەن تٷسكەن سىرقات الداعى ۋاقىتتا جالپى پالاتاعا اۋىستىرىلادى دەپ كٷتٸلۋدە.
«شٷكٸر, جاقسىمىن. اۋرۋحاناعا العاش تٷسكەن سەتتەگٸ جاعدايعا قاراعاندا قازٸر ەلدەقايدا تەۋٸرمٸن. العاشىندا ٷي جاعدايىندا ەمدەلدٸم, بٸر كٷنٸ دەم جەتپەي قينالعانىم ەسٸمدە. ەرٸ قاراي نە بولعانىن بٸلمەيمٸن. امان الىپ قالعان دەرٸگەرلەرگە مىڭ العىس» دەپ ريزاشىلىعىن بٸلدٸردٸ التىناي ٶتەسٸنوۆا.
ونىڭ ايتۋىنشا, اۋرۋحانادا ەم الىپ جاتقان ناۋقاستاردىڭ سانى از ەمەس. قانشاما ادام دەرتٸنەن تولىق ايىعىپ, ٷيٸنە ورالىپ جاتىر.
«الايدا, بۇل ٸندەتتٸ جوق دەپ ويلايتىنداردى تٷسٸنبەيمٸن, ولارعا ايتار سٶزٸم جوق. بارلىعىنا ايتارىم - كٷتٸنگەن دۇرىس, دەنساۋلىقتان اسقان باقىت تا, بايلىق تا جوق. وسى اۋرۋحاناعا جاتقىزىلعان سوڭ عانا امان قالدىم دەپ ەسەپتەيمٸن. ال ەگەر ەرٸ قاراي دا ٷي جاعدايىندا ەمدەلە بەرگەندە جاعدايىمنىڭ قالاي بولارىن كٸم بٸلسٸن. تەك وسىندا كەلگەن سوڭ عانا ەسٸمدٸ جيىپ, ٶزٸمە كەلدٸم», - دەيدٸ ول.
