58 jastaǵy Altynai Ótesinova 3 shilde kúni qaladaǵy kópbeiindi statsionarǵa aýyr jaǵdaida túsken. Qazir naýqastyń beti beri qarap, saýyǵyp keledi, dep habarlaidy QazAqparat.
Biraq dárigerler patsienttiń jaǵdaiy turaqty aýyr ekendigin jasyrmaidy. Statsionarǵa keýdesindegi aýyrsyný simptomdarymen túsken syrqat aldaǵy ýaqytta jalpy palataǵa aýystyrylady dep kútilýde.
«Shúkir, jaqsymyn. Aýrýhanaǵa alǵash túsken sáttegi jaǵdaiǵa qaraǵanda qazir áldeqaida táýirmin. Alǵashynda úi jaǵdaiynda emdeldim, bir kúni dem jetpei qinalǵanym esimde. Ári qarai ne bolǵanyn bilmeimin. Aman alyp qalǵan dárigerlerge myń alǵys» dep rizashylyǵyn bildirdi Altynai Ótesinova.
Onyń aitýynsha, aýrýhanada em alyp jatqan naýqastardyń sany az emes. Qanshama adam dertinen tolyq aiyǵyp, úiine oralyp jatyr.
«Alaida, bul indetti joq dep oilaityndardy túsinbeimin, olarǵa aitar sózim joq. Barlyǵyna aitarym - kútingen durys, densaýlyqtan asqan baqyt ta, bailyq ta joq. Osy aýrýhanaǵa jatqyzylǵan soń ǵana aman qaldym dep esepteimin. Al eger ári qarai da úi jaǵdaiynda emdele bergende jaǵdaiymnyń qalai bolaryn kim bilsin. Tek osynda kelgen soń ǵana esimdi jiyp, ózime keldim», - deidi ol.
