COVID-19 ۆيرۋسىنىڭ اۋىر نەمەسە جەڭٸل ٶتۋٸنە ىقپال ەتەتٸن گەن انىقتالدى, دەپ حابارلايدى "ۇلت اقپارات" قر ٷكٸمەتٸ جانىنداعى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا مەلٸمەتتەرٸنە سٸلتەمە جاساپ.
عالىمدار ٸندەت تاراي باستاعالى كوروناۆيرۋستىڭ كەيبٸر ادامداردا جەڭٸل ٶتەتٸنٸن, ال كەيبٸرەۋٸ قاتتى اۋىرىپ, تٸپتٸ جانساقتاۋ بٶلٸمٸنە دە تٷسەتٸنٸ نەلٸكتەن ەكەندٸگٸن بٸلۋ جولىندا تەر تٶگٸپ كەلەدٸ.
بريتانييا اۋرۋحانالارىنداعى 200-دەن استام جانساقتاۋ بٶلٸمٸنە تٷسكەن 2 مىڭنان استام پاتسيەنتكە تەكسەرۋ جٷرگٸزٸپ, ولاردىڭ بارلىعىندا Covid-19 ۆيرۋسىنىڭ سيمپتومىن كٷردەلەندٸرەتٸن «نەاندەرتالەتس» گەنٸنٸڭ بار ەكەندٸگٸن انىقتالدى. ماماندار پيتسيەنتتەردٸڭ گەنومدارىن ساۋ ادامداردىڭ گەنومىمەن سالىستىرا كەلە گەندەگٸ بٸرنەشە ايىرماشىلىقتى انىقتادى.
ولار: يممۋن جاسۋشىلارىن بەلسەندٸ ەتەتٸن- TYK2, اعزاعا ۆيرۋس تٷسكەندە ماڭىزدى رٶل اتقاراتىن DPP9, ۆيرۋستىڭ رەپليكساتسيياسىن جٷزەگە اسىراتىن OAS, سونداي-اق قۋاتتى انتيۆرۋس مولەكۋلاسى – ينتەرفەروندى تۋدىراتىن IFNAR2.
گەنەتيكا سالاسىنداعى جاڭالىقتار Covid-19 اۋرۋىنىڭ بيولوگييالىق مەحانيزمدەرٸن بٷگە-شٸگەسٸنە دەيٸن زەرتتەۋگە مٷمكٸندٸك بەرەدٸ.
