كوروناۆيرۋستى انىقتايتىن قازاقستاندىق تەست ەلٸ تٸركەلگەن جوق. بۇل تۋرالى قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶراعاسى تيمۋر سۇلتانعازيەۆ ايتتى.
«قازٸرگٸ ۋاقىتتا پتر-زەرتحانالىق تەستٸلەۋ سانى ارتىپ كەلە جاتىر. كٶكتەمدە تەۋلٸگٸنە 25 مىڭ تەستٸلەۋ جٷرگٸزٸلسە, تامىز ايىنىڭ سوڭىندا ونىڭ سانى 40 مىڭعا دەيٸن جەتتٸ. قىركٷيەكتە قوسىمشا 20 پتر اپپاراتى ساتىپ الىندى. ال ۆەتەرينارلىق زەرتحانالار ەلٸمٸزدٸڭ اۋداندارىندا اشىلدى. ەندٸ قازان ايىندا كٷنٸنە 60 مىڭعا دەيٸن پتر-تەستٸلەۋ ٶتكٸزەتٸن بولامىز. سول ارقىلى حالىقتى بارىنشا پتر تەستٸلەۋدەن ٶتكٸزەمٸز. دايىندىق جٷرگٸزٸلٸپ جاتىر», - دەدٸ كوميتەت تٶراعاسى ەلورداداعى №6 قالالىق ەمحانادا باق ٶكٸلدەرٸنٸڭ ساۋالىنا وراي.
ونىڭ ايتۋىنشا, شٸلدە ايىندا ٷكٸمەت رەزەرۆٸنەن قوسىمشا قاراجات بٶلٸنٸپ, 1,2 ملن تەست ساتىپ الىنعان.
«دەنساۋلىق ساقتاۋ مينيسترلٸگٸنٸڭ تيٸستٸ زەرتحانالارى بار. سولار ارقىلى ساتىلىپ الىنىپ جاتىر. بۇعان قوسا, ەربٸر دەنساۋلىق ساقتاۋ مەكەمەسٸندە ەلەۋمەتتٸك مەديتسينالىق ساقتاندىرۋ قورى ارقىلى تەستتەر ساتىپ الىنىپ, سىرقاتتانعان ادامداردى تەكسەرۋ جٷرگٸزٸلۋدە. نەگٸزٸنەن شەتەلدٸك تەست جٷيەسٸن ساتىپ الۋدامىز. قازاقستاندىق تەست جٷيەسٸ ەلٸ تٸركەۋدەن ٶتكەن جوق. تيٸستٸ تٸركەۋ پروتسەدۋراسىنان ٶتكەننەن كەيٸن ولاردى ساتىپ الۋىمىز مٷمكٸن», - دەدٸ تيمۋر سۇلتانعازيەۆ.
