قازاقستاندا كوروناۆيرۋس جۇقتىرىپ العان مەديتسينا قىزمەتكەرلەرٸنە ارنالعان ٶتەماقى 17 قازانعا دەيٸن تٶلەنٸپ بٸتۋٸ تيٸس, دەپ حابارلايدى "ۇلت اقپارات".
بٷگٸن قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتكەن ۆەدومستۆوارالىق كوميسسييانىڭ وتىرىسىندا مەملەكەت باسشىسى ق. توقاەۆتىڭ كوروناۆيرۋس پاندەميياسىنىڭ ەكٸنشٸ تولقىنىنا دايىندىق مەسەلەلەرٸ جٶنٸندەگٸ 7 قازانداعى كەڭەستە بەرگەن تاپسىرمالارىن ورىنداۋ بويىنشا ناقتى شارالار ەزٸرلەندٸ.
جيىندا ەرالى توعجانوۆ كوروناۆيرۋستان كٶز جۇمعان مەديتسينا قىزمەتكەرلەرٸنٸڭ وتباسىنا جەنە قىزمەت بابىندا ٸندەت جۇقتىرعان مەدقىزمەتكەرلەرگە تٶلەنەتٸن ٶتەماقى جايىنا دا توقتالدى.
«كەشە قاسىم-جومارت كەمەلۇلى كٶز جۇمعان 182 مەديتسينا قىزمەتكەرٸنٸڭ وتباسىلارىنا, سونداي-اق قىزمەت اتقارۋ كەزٸندە COVID-19-بەن اۋىرعان دەرٸگەرلەرگە ٶتەماقى تٶلەۋ بويىنشا جەدەل شارالار قابىلداۋدى تاپسىردى. وسىعان بايلانىستى ٶڭٸرلەردٸڭ ەكٸمدٸكتەرٸنە, دەنساۋلىق ساقتاۋ, ەڭبەك جەنە حالىقتى ەلەۋمەتتٸك قورعاۋ مينيسترلٸكتەرٸنە مەديتسينا قىزمەتكەرلەرٸنٸڭ قايتىس بولۋ فاكتٸسٸ بويىنشا ٶتەماقى تٶلەۋدٸ ٷستٸمٸزدەگٸ جىلدىڭ 13 قازانىندا اياقتاۋدى تاپسىرامىن. سونداي-اق اعىمداعى جىلعى 17 قازاندا ٶڭٸرلٸك كوميسسييالاردا ٶتٸنٸمدەرٸ قارالعان كەسٸبي قىزمەتتٸ جٷزەگە اسىرۋ كەزٸندە اۋىرعان دەرٸگەرلەرگە ٶتەماقى تاعايىنداۋدى اياقتاۋدى قامتاماسىز ەتۋ قاجەت» , – دەدٸ ە. توعجانوۆ.
ايتا كەتەيٸك, كەشە مەملەكەت باسشىسى قاسىم-جومارت توقاەۆ كوروناۆيرۋستان قايتىس بولعان دەرٸگەردٸڭ وتباسىنا تەكسەرۋ جٷرگٸزٸلمەستەن تٶلەماقى بەرٸلۋٸ كەرەكتٸگٸن ايتقان ەدٸ.
پرەزيدەنت دەرەگٸنشە, 2020 جىلدىڭ 30 قىركٷيەگٸندەگٸ جاعدايعا سەيكەس, ٸندەت كەزەڭٸندە كوروناۆيرۋستان 182 مەديتسينا قىزمەتكەرٸ قايتىس بولعان.
«قازٸر بۇل جاعدايلار تٷرلٸ كوميسسييادا قارالىپ, ٶتەماقى تەك 37 عانا وتباسىنا عانا تٶلەنگەن. مٷلدەم جول بەرۋگە بولمايتىن جاعداي. پوستفاكتۋم ٶلٸم سەبەبٸن انىقتاۋ كٶپتەگەن قيىندىقتاردى, ونىڭ ٸشٸندە ەدەپ سيپاتىنداعى قيىندىقتاردى تۋدىرادى. وسىعان وراي ٷكٸمەتكە بۇل مەسەلەدە مۇنداي تەكسەرۋلەر جٷرگٸزبەستەن قازا تاپقان مەديتسينا قىزمەتكەرٸنٸڭ وتباسىنا تيەسٸلٸ بارلىق تٶلەماقىنى تٶلەۋدٸ تاپسىرامىن», - دەدٸ قاسىم-جومارت توقاەۆ.
سونىمەن قاتار مەملەكەت باسشىسى مەديتسينا قىزمەتكەرلەرٸ قىزمەت بارىسىندا اۋرۋ جۇقتىرىپ العانى دەلەلدەنگەن جاعدايدا قىسقا مەرزٸمنٸڭ ٸشٸندە تٶلەماقى مٷلتٸكسٸز تٶلەنۋٸ تيٸستٸگٸن باسا ايتتى.
«كوروناۆيرۋسپەن كٷرەس ٷشٸن ٷستەماقىنىڭ بٸر بٶلٸگٸن ەكٸمشٸلەۋ ەكٸمدٸكتەردٸڭ جەلٸسٸ ارقىلى جٷرگٸزٸلەدٸ. وسىعان وراي ٶڭٸر ەكٸمدەرٸنە بۇل مەسەلەنٸ جەكە باقىلاۋدا ۇستاۋدى تاپسىرامىن», - دەدٸ قر پرەزيدەنتٸ.
