مەديتسينالىق ماسكانى تاعۋ اۋرۋعا شالدىققان ادام مەن دەرٸگەرگە عانا كەرەك. بۇل تۋرالى كوروناۆيرۋستىق ينفەكتسييانىڭ ەكەلٸنۋٸ مەن تارالۋىنىڭ الدىن الۋ ماقساتىندا ٶتكەن بريفينگتە ايتىلدى, دەپ حابارلايدى قازاقپارات.
«ددسۇ جەنە كوروناۆيرۋس بويىنشا جۇمىس ٸستەيتٸن ۇيىمدار بۇل دەرتەن قورعانۋدىڭ ەڭ باستى امالى ماسكا تاعۋ ەمەس ەكەنٸن ايتادى. سەبەبٸ بۇل اۋادا ۇشىپ جۇعاتىن اۋرۋ ەمەس. ەڭ باستىسى - جەكە باس گيگيەناسىن دۇرىس ساقتاۋ كەرەك», - دەيدٸ بالالار جۇقپالى اۋرۋلار كافەدراسىنىڭ مەڭگەرۋشٸسٸ, پروفەسسور ديناگٷل باەشوۆا.
ونىڭ ايتۋىنشا, مەديتسينالىق ماسكا اۋرۋ ادام تٷشكٸرگەن كەزدە سٸلەكەيٸن شاشپاۋى ٷشٸن جەنە ناۋقاستارمەن جۇمىس ٸستەيتٸن مەديتسينالىق قىزمەتكەرلەرگە كەرەك.
«بۇل جاعدايدا قاسىڭدا تۇرعان ادامنان ٶزٸڭدٸ كەم دەگەندە ەكٸ مەتر الىس ۇستاۋىڭ كەرەك. ەگەر اۋىرعان ادامعا ٶتە جاقىن تۇرساڭىز, سٸزدٸ مەديتسينالىق ماسكا قۇتقارمايدى. ونى كوروناۆيرۋس ينفەكتسيياسىن الدىن الۋ ٷشٸن قولدانۋعا بولادى. وڭتٷستٸك كورەيادا دٷكەندە كەزەكتە تۇرعان ادامدار مەديتسينالىق ماسكا تاققانىمەن, بٸر-بٸرٸنە ٶتە جاقىن ورنالاسقان. ٶزدەرٸڭٸز كٶرٸپ وتىرعانداي, سونىڭ سالدارىنان اۋىرعاندار سانى كٷرت ٶسٸپ كەلەدٸ. ۆيرۋس جاقىن بايلانىس بولعان كەزدە جۇعاجى. جاساندى دٷرلٸگۋ جاعدايىن تۋدىرۋدىڭ قاجەتٸ جوق», - دەيدٸ ول.
سونداي-اق, پروفەسسور كوروناۆيرۋستان ساقتانۋ جولدارىن ايتتى.
«كوروناۆيرۋس 60-70 ىستىق تەمپەراتۋرا جاعدايىندا بٸردەن ٶلٸپ قالادى, سول سەبەپتٸ شيكٸ ازىق-تٷلٸك تۇتىنباڭىزدار. الدىمەن ىستىق سۋمەن جۋىپ الۋ كەرەك. قولدى جيٸ جۋۋ قاجەت», - دەيدٸ ول.
