مەجٸلٸستەگٸ قازاقستان حالىق پارتيياسى فراكتسيياسىنىڭ دەپۋتاتتارى كوروناۆيرۋس ٸندەتٸنە شالدىققانداردى ەمدەۋگە ارنالعان نىسانداردىڭ قۇرىلىسىنا قاتىستى ەگجەي-تەگجەيلٸ تەكسەرۋ جٷرگٸزۋدٸ سۇرادى, دەپ حابارلايدى قازاقپارات.
«كەيبٸر مەلٸمەتتەرگە سەيكەس, BI Group جەكەلەگەن كوروناۆيرۋس گوسپيتالدەرٸن سالۋ كەزٸندە ٶڭٸرلەردە بۇزىلعان عيماراتتاردىڭ قۇرىلىس ماتەريالدارىن پايدالانعان. اتاپ ايتقاندا, اتىراۋ وبلىسىنىڭ وپورنىي كەنتٸندە تشو قىزمەتكەرلەرٸنە ارنالعان جاتاقحانا بٶلشەكتەلگەن. ال قۇرىلىس ماتەريالدارى قۇنى 5,5 ملرد تەڭگە بولاتىن مودۋلدٸ كوروناۆيرۋس اۋرۋحاناسىن سالۋ ٷشٸن الماتىعا جٸبەرٸلگەن. جوعارىدا اتالعان ەلدٸ مەكەن اتىراۋ قالاسىنان شامامەن 300 شاقىرىم جەردە ورنالاسقان», - دەدٸ جامبىل احمەتبەكوۆ مەجٸلٸستٸڭ جالپى وتىرىسىندا ٷكٸمەت باسشىسىنىڭ ورىنباسارى رومان سكلياردىڭ اتىنا جولداعان ساۋالىندا.
سونىمەن قاتار دەپۋتات شىمكەنتتە جەنە الماتىدا ەكٸ مودۋلدٸ اۋرۋحانانىڭ ساپاسىز سالىنعانىنا, قاراجاتتىڭ ورىنسىز جۇمسالۋىنا بايلانىستى سىبايلاس جەمقورلىققا قارسى قىزمەت ٸس قوزعالعانىن اتاپ ٶتتٸ. ال الماتى گوسپيتالٸن سالۋ بارىسىندا مەملەكەتكە شىعىن كەلگەنٸن اۋديتورلىق تەكسەرۋ راستادى. تەرگەۋ نەتيجەسٸ ەلٸ جارييالانعان جوق.
وسىعان بايلانىستى ول قازاقستان حالىق پارتيياسىنىڭ دەپۋتاتتارى اتىنان تيٸستٸ ۇسىنىستارىن جارييالادى.
دەپۋتاتتىڭ پايىمىنشا, 2020-2021 جىلدارى BI Group ٶڭٸرلەردە كوروناۆيرۋس گوسپيتالدەرٸن قالاي سالعانىن, ولاردىڭ قالاي جۇمىس ٸستەپ تۇرعانىن, مەديتسينالىق قىزمەت كٶرسەتۋ ساپاسىن جٸتٸ تەكسەرۋٸ كەرەك.
«يندۋسترييا جەنە ينفراقۇرىلىمدىق دامۋ مينيسترلٸگٸ قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ, قازاق قۇرىلىس جەنە سەۋلەت عىلىمي-زەرتتەۋ مەن جوبالاۋ ينستيتۋتى ساراپشىلارىن تارتا وتىرىپ, 2020-2021 جىلدارى BI Group ٶڭٸرلەردە سالعان كوروناۆيرۋسقا ارنالعان نىسانداردىڭ قۇرىلىسىنىڭ سمەتالىق قۇنىنىڭ ساپاسى تۇرعىسىنان ەگجەي-تەگجەيلٸ جەنە اشىق كەسٸبي اۋديت جٷرگٸزۋٸ كەرەك», - دەدٸ احمەتبەكوۆ.
