قازاقستان كوروناۆيرۋسپەن كٷرەسكە 150 ملرد تەڭگە بٶلگەن. قر پرەمەر-مينيسترٸنٸڭ بٸرٸنشٸ ورىنباسارى - قارجى مينيسترٸ ەليحان سمايىلوۆ ايتتى, دەپ حابارلايدى قازاقپارات.
«ينتەرنەتتە كەيبٸر بلوگەرلەر قازاقستانىڭ كوروناۆيرۋسپەن كٷرەسكە 13,5 ملرد دوللار جۇمساعاندىعىن جازىپ, بٸرشاما از قاراجات بٶلٸنگەن كٶرشٸ ەلدەردٸڭ كەيبٸرٸمەن سالىستىرۋدا. بۇل مٷلدەم قاتە اقپارات ەكەندٸگٸن ايتقىم كەلەدٸ. كوروناۆيرۋسپەن كٷرەسكە نەمەسە ٸندەتكە قارسى شارالارعا رەسپۋبليكالىق بيۋدجەتتەن شامامەن 150 ملرد تەڭگە نەمەسە دوللارعا شاققاندا 350 ملن دوللار بٶلٸندٸ», - دەدٸ بٸرٸنشٸ ۆيتسە-پرەمەر ٷكٸمەت ٷيٸندە ٶتكەن بريفينگتە.
ونىڭ تٷسٸندٸرۋٸنشە, اتالعان سوما داعدارىسقا قارسى شارالاردى جٷزەگە اسىرۋعا باعىتتالعان 5,9 ترلن تەڭگەنٸڭ ٸشٸنە كٸرەدٸ.
«بۇل -جۇمىسپەن قامتۋ, ەلەۋمەتتٸك تٶلەمدەر, بيزنەستٸ قولداۋ, كەسٸپكەرلەردٸ جەڭٸلدٸكپەن كرەديتتەۋ, تۇرعىن ٷي قۇرىلىسى جەنە باسقالارى. بۇل قاراجات جىل بويىنا جوسپارلانعان. مەسەلەن, بيزنەستٸ جەڭٸلدٸكپەن كرەديتتەۋگە 1 ترلن تەڭگە جۇمسالادى. بۇل قايتارىلاتىن قاراجات, بيزنەسكە تٶمەنگٸ مٶلشەرلەمەمەن كرەديت تٷرٸندە بەرٸلەدٸ», - دەدٸ ول.
ەليحان سمايىلوۆتىڭ ايتۋىنشا, «جۇمىسپەن قامتۋ جول كارتاسىن» جٷزەگە اسىرۋعا 1 ترلن تەڭگە باعىتتالادى. ونىڭ 300 ملرد تەڭگەسٸ بيۋدجەت, ال قالعانى بيۋدجەتتەن تىس قاراجات سانالادى. بۇل قاراجاتقا ەلەۋمەتتٸك نىسانداردى, تۇرعىن ٷي-كوممۋنالدىق شارۋاشىلىق نىساندارىن, ينجەنەرلٸك ينفراقۇرىلىمدار سالۋعا جەنە جٶندەۋگە, ەلدٸ مەكەندەردٸ اباتتاندىرۋعا جۇمسالادى. 255 مىڭ جۇمىس ورنى قۇرىلادى.
«ياعني, ٷكٸمەت باعىتتاپ وتىرعان قاراجاتتىڭ بارلىعى وسى جىل بويى جاراتىلادى. ونىڭ ەلەۋمەتتٸك-ەكونوميكالىق ماڭىزى زور جەنە حالىقتى جۇمىسپەن قامتۋعا, ولاردىڭ كٸرٸسٸن ساقتاۋعا جەنە ەلدٸڭ ٸسكەرلٸك بەلسەندٸلٸگٸن قولداۋعا مٷمكٸندٸك بەرەدٸ», - دەدٸ ەليحان سمايىلوۆ.
