الماتى وبلىسىندا «دەنساۋلىق» باعدارلاماسى بويىنشا بٶلٸنگەن 2,5 ملن تەڭگەنٸڭ جىمقىرىلۋىنا قاتىستى سوت ٷكٸمٸ شىقتى, دەپ حابارلايدى "ۇلت اقپارات".
«2020 جىلدىڭ 28 قىركٷيەگٸندە الماتى وبلىسى ٸلە اۋداندىق سوتىنىڭ ٷكٸمٸ شىقتى. ول بويىنشا الماتى وبلىسىنىڭ دەنساۋلىق ساقتاۋ باسقارماسىنا قاراستى وبلىستىق جەدەل جەنە شۇعىل مەديتسينالىق جەردەم ستانتسيياسىنىڭ ديرەكتورى ك.ز. قالدىباەۆقا 30 240 930 تەڭگە كٶلەمٸندە ايىپپۇل سالىندى. ال سول مەكەمەنٸڭ باس ينجەنەرٸ د.ي. تۋعامباەۆتىڭ 3 جىل 6 اي مەرزٸمگە باس بوستاندىعى شەكتەلدٸ», - دەدٸ سىبايلاس جەمقورلىققا قارسى ٸس-قيمىل اگەنتتٸگٸنٸڭ 1-شٸ دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ونلاين بريفينگ بارىسىندا.
اگەنتتٸك ٶكٸلٸنٸڭ حابارلاۋىنشا بۇعان دەيٸن ولار «دەنساۋلىق» باعدارلاماسى بويىنشا بٶلٸنگەن 2,55 ملن تەڭگە سوماسىنداعى بيۋدجەت قاراجاتىن الدىن الا سٶز بايلاسۋ بويىنشا ۇرلادى دەپ كٷدٸكتەلگەن. قاراجات كوروناۆيرۋس (COVID-19) پاندەميياسىمەن كٷرەس ٷشٸن داعدارىسقا قارسى شارالار اياسىندا اۋدارىلعان.
