Almaty oblysynda «Densaýlyq» baǵdarlamasy boiynsha bólingen 2,5 mln teńgeniń jymqyrylýyna qatysty sot úkimi shyqty, dep habarlaidy "Ult aqparat".
«2020 jyldyń 28 qyrkúieginde Almaty oblysy Ile aýdandyq sotynyń úkimi shyqty. Ol boiynsha Almaty oblysynyń Densaýlyq saqtaý basqarmasyna qarasty oblystyq jedel jáne shuǵyl meditsinalyq járdem stantsiiasynyń direktory K.Z. Qaldybaevqa 30 240 930 teńge kóleminde aiyppul salyndy. Al sol mekemeniń bas injeneri D.I. Týǵambaevtyń 3 jyl 6 ai merzimge bas bostandyǵy shekteldi», - dedi Sybailas jemqorlyqqa qarsy is-qimyl agenttiginiń 1-shi departamentiniń asa mańyzdy ister jónindegi tergeýshisi Daniiar Bekaidarov onlain brifing barysynda.
Agenttik ókiliniń habarlaýynsha buǵan deiin olar «Densaýlyq» baǵdarlamasy boiynsha bólingen 2,55 mln teńge somasyndaǵy biýdjet qarajatyn aldyn ala sóz bailasý boiynsha urlady dep kúdiktelgen. Qarajat koronavirýs (COVID-19) pandemiiasymen kúres úshin daǵdarysqa qarsy sharalar aiasynda aýdarylǵan.
