كوروناۆيرۋسپەن كٷرەسكە جۇمىلدىرىلعان ماماندارعا 116 ملرد تەڭگە باعىتتالدى. بۇل تۋرالى دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«ەپيدەميياعا قارشى ٸس-شارالارعا جۇمىلدىرىلعان مەديتسينالىق قىزمەتكەرلەرگە ماتەريالدىق كٶمەك جاسالدى. كۆي-مەن كٷرەسكە تٸكەلەي تارتىلعان تەۋەكەلدٸڭ ٷش توبى بويىنشا 116 ملرد تەڭگە سوماسىندا ٷستەماقى تٶلەندٸ», - دەدٸ الەكسەي تسوي مەجٸلٸستەگٸ ٷكٸمەت ساعاتىندا.
ونىڭ ايتۋىنشا, 2020 جىلى دەرٸگەرلەردٸڭ ورتاشا جالاقىسى 30 پايىزعا, ورتا مەديتسينا جۇمىسكەرلەرٸنٸڭ جالاقىسى 20 پايىزعا ارتتى.
