اقپارات جەنە قوعامدىق دامۋ مينيسترٸنٸڭ كەڭەسشٸسٸ ليما دياس قازاقستاندىقتاردى حالىقتىق باقىلاۋ توبىنا قوسىلىپ, مەديتسينالىق ۇيىمدارعا مونيتورينگ جٷرگٸزۋگە شاقىردى, دەپ حابارلايدى "ۇلت اقپارات".
«بۇل - ەربٸرٸمٸزدٸڭ ازاماتتىق جاۋاپكەرشٸلٸگٸمٸز! بٸز پاندەمييانى وسى جولمەن جەڭە الامىز. قازٸرگٸ تاڭدا وسىناۋ ٷرەيلٸ اۋرۋ ٶرشٸپ تۇرعان ۋاقىتتا حالىقتىڭ كٷشٸ قالاي ويانىپ كەلە جاتقانىن, قوعامدىق باقىلاۋدىڭ ماڭىزى زور ەكەنٸن كٶرٸپ وتىرمىز. بەلسەندٸ قازاقستاندىقتار كٷن سايىن ۆولونتەرلەر قاتارىنا جازىلىپ, ەلگە پاندەمييانى ەڭسەرۋگە كٶمەكتەسۋدە. ەركٸم شاما-شارقىنشا اتسالىسۋدا», - دەپ جازادى ليما دياس Facebook-پاراقشاسىندا.
ونىڭ جازۋىنشا, بەلسەندٸلەر مەديتسينالىق ۇيىمداردىڭ ٸشٸندە قوعامدىق باقىلاۋ جٷرگٸزٸپ جاتىر. وسى باستاما دەنساۋلىق ساقتاۋ مينيسترٸ الەكسەي تسويدىڭ دا نازارىن اۋدارتقان.
«مەملەكەتتٸڭ وسىنداي باستامانى قولداپ جاتقانى قۋانتادى. مەن دە دايىنمىن. تاياۋدان بەرٸ اقپارات جەنە قوعامدىق دامۋ مينيسترٸ ايدا بالاەۆانىڭ كەڭەسشٸسٸمٸن. اقپارات جەنە قوعامدىق دامۋ مينيسترلٸگٸ تاراپىنان اۋرۋحانالارعا قوعامدىق باقىلاۋ جٷرگٸزۋ جۇمىسىن ٷيلەستٸرۋ ماعان جٷكتەلدٸ», - دەيدٸ ول.
بۇل رەتتە, حالىقتىق باقىلاۋ مەديتسينالىق پەرسونالدىڭ جۇمىسىنا كەدەرگٸ كەلتٸرمەۋدٸ باستى نازارعا الىپ وتىر.
«سول سەبەپتٸ دەرٸگەرلەرگە ەڭ بٸرٸنشٸ كەزەكتە كٶمەكتەسۋ ٷشٸن قوعامدىق باقىلاۋ كەرەك. قازٸرگٸ ۋاقىتتا ماڭىزدىسى: مونيتورينگ پەن باقىلاۋدىڭ تيٸمدٸ مەحانيزمدەرٸن دايارلاپ, قىسقا ۋاقىتتا بەلسەندٸلەردٸ ٷيلەستٸرۋ كەرەك, باق پەن مەملەكەتتٸك ورگان بولىپ, بٸر-بٸرٸمٸزبەن ىقپالداسا جۇمىس جٷرگٸزگەنٸمٸز دۇرىس. يدەيالارىڭىز نەمەسە ۇسىنىستارىڭىز بولسا, قوعامدىق باقىلاۋ توبىنا قوسىلعىڭىز كەلسە پٸكٸرگە ۇسىنىسىڭىزدى قالدىرىڭىز. بولماسا diaslimakz@gmail.com پوشتاسىنا حات جولداۋعا بولادى. بايلانىستامىن», - دەيدٸ ول.
