كوروناۆيرۋس: ماڭعىستاۋدا اۋىل ەكٸمٸ قىزمەتٸنەن بوساتىلدى

ماڭعىستاۋ وبلىسىندا كوروناۆيرۋس جۇقتىرعان تۇرعىنى كٶپ اۋىلدىڭ ەكٸمٸ قىزمەتٸنەن بوساتىلدى, - دەپ حابارلايدى «حابار 24».

قاراقييا اۋدانىنا قاراستى سەنەك اۋىلىندا ون كٷننٸڭ ٸشٸندە 23 جاعداي انىقتالىپ وتىر. ٸندەت الدىمەن كٶپ ادامدى جيىپ, اس بەرگەن ٷيدەن شىققان. كەيٸننەن سول جيىندا بولعان بٸراز ادامعا جۇققانى بەلگٸلٸ بولدى.

اياداي اۋىلدا كارانتين ەرەجەسٸن ساقتاۋدى قامتاماسىز ەتپەگەنٸ ٷشٸن وبلىس باسشىسىنىڭ شەشٸمٸمەن اۋىل ەكٸمٸ جۇمىستان شەتتەتٸلدٸ. ال اۋدان ەكٸمٸنە سٶگٸس جارييالاندى.

قازٸر اۋىلعا كٸرە بەرٸس تۇسقا بلوكپوستار قويىلىپ, كٷزەت كٷشەيتٸلدٸ.

ۆيرۋس كٶپ تاراعان اۋداندار اراسىندا بەينەۋ مەن قاراقييا كٶش باستاپ تۇر. بەينەۋ اۋدانىندا 37 تۇرعىننان كۆي انىقتالدى. اراسىندا قوعامدىق جۇمىس ٶكٸلدەرٸ مەن دەرٸگەرلەر دە بار.

قازٸر بۇل قوس اۋداندا كارانتين رەجيمٸ كٷشەيتٸلگەن. وتباسىلىق جيىن جاساۋعا قاتاڭ تىيىم سالىنعان.

جالپى, 3 ناۋرىزدان باستاپ ايماقتا 11 186 ادام كوروناۆيرۋسقا تەكسەرٸلٸپ, ٸندەت 129 ادامنان انىقتالدى.

ايتا كەتەيٸك, ماڭعىستاۋ وبلىسىندا كارانتين مامىردىڭ 25-نە دەيٸن ۇزارتىلدى.