اقش كونگرەسٸنٸڭ كوروناۆيرۋس جۇقتىرعان مٷشەسٸ ٶز دياگنوزىن كاپيتولييگە شابۋىلمەن بايلانىستىرادى. ۇلىبريتانييا بيلٸگٸ كارانتين تالابىن بۇزاتىندارعا قاتاڭ سانكتسييالارمەن ەسكەرتۋ جاساۋدا. ال امەريكانىڭ حايۋاناتتار باعىنىڭ بٸرٸندە كوروناۆيرۋسپەن العاش رەت گوريللالار اۋىرىپ قالدى. ەلەمدەگٸ وسى جەنە ٶزگە دە جاڭالىقتار تۋرالى ۆۆس حابارلادى.
دجونس حوپكينس ۋنيۆەرسيتەتٸنٸڭ مەلٸمەتتەرٸ بويىنشا, پاندەمييا باستالعالى ەلەمدە 91 ميلليونعا جۋىق ادام كوروناۆيرۋس جۇقتىردى, ونىڭ ٸشٸندە 1,9 ميلليوننان استامى قايتىس بولدى. ناۋقاستار سانى جاعىنان اقش, ٷندٸستان, برازيلييا, رەسەي جەنە ۇلىبريتانييا الدىڭعى بەستٸكتە تۇر. ٶلٸم دەڭگەيٸ بويىنشا دا وسى ەلدەر الدىڭعى قاتاردا, تەك رەسەيدٸڭ ورنىنا – مەكسيكا.
جاۋاپسىز لوندوندىقتار
لوندون پوليتسيياسىنىڭ باسشىسى كرەسسيدا ديك Times گازەتٸ ارقىلى تٶتەنشە شارالار قابىلداۋعا مەجبٷر بولاتىنىن جەنە كارانتين رەجيمٸن بۇزۋشىلارعا جاپپاي ايىپپۇل سالۋعا تۋرا كەلەتٸنٸن ەسكەرتتٸ. ونىڭ ايتۋىنشا, لوندوندا كٶپشٸلٸككە ارنالعان زاڭسىز كەشتەر جەنە ٷيدەگٸ ويىن-ساۋىقتار تىيىلماي وتىر.
ٶتكەن تەۋلٸكتە ۇلىبريتانييادا كوروناۆيرۋستىڭ 46 مىڭنان استام جاڭا جاعدايى انىقتالدى, 529 ادام قايتىس بولدى. ەلدەگٸ اۋرۋحانالاردا كوروناۆيرۋس دياگنوزىمەن 32,2 مىڭ پاتسيەنت جاتىر. لوندوندا قازٸر ەڭ قيىن كەزەڭدەردٸڭ بٸرٸ.
كرەسسيدا ديك ٶز ٷندەۋٸندە مۇنداي ستاتيستيكاعا قاراماستان, ادامدار ەلٸ دە بيلٸكتٸڭ نۇسقاۋلارىن بۇزىپ وتىرعانىن العا تارتتى.
ۇلىبريتانييا سىرقاتتانۋ مەن ٶلٸم-جٸتٸم كٶرسەتكٸشتەرٸ ەڭ جوعارى بەس ەلدٸڭ قاتارىنا كٸرەدٸ: سەيكەسٸنشە 3,1 ملن جەنە 82 مىڭ. 2020 جىلى ەلدە جالپى ٶلٸم-جٸتٸم 697 مىڭ ادامدى قۇرادى. بۇل, ەكٸنشٸ دٷنيەجٷزٸلٸك سوعىستان كەيٸن بولعان ەڭ جوعارى كٶرسەتكٸش.
دەنساۋلىق ساقتاۋ مينيسترٸ مەتت حەنكوك سەيسەنبٸدە NHS-قا تٷسكەن (ۇلىبريتانييانىڭ ۇلتتىق دەنساۋلىق ساقتاۋ جٷيەسٸ) جٷكتەمەنٸڭ شەگٸنە جەتكەنٸن ەسكەرتتٸ جەنە بريتانييالىقتاردى ايرىقشا قاجەتتٸلٸك بولماسا, ٷيدەن شىقپاۋعا شاقىردى.
ەۋروپا: جاعداي جەڭٸلدەگەن جوق
Bild نەمٸس تابلويدىنىڭ اقپاراتىنا سەيكەس, گەرمانييا كانتسلەرٸ انگەلا مەركەل ەلدەگٸ قاتاڭ لوكداۋندى تاعى 8-10 اپتاعا ۇزارتۋعا نيەتتٸ. باسىلىمنىڭ مەلٸمەتٸنشە, مينيسترلەر كابينەتٸمەن كەزدەسۋدە مەركەل «بريتاندىق ۆيرۋسقا» (ۇلىبريتانييادا العاش رەت تابىلعان كوروناۆيرۋستىڭ جاڭا تٷرٸ) قارسى شارالار قولدانىلماسا, گەرمانييادا پاسحا مەيرامىنا قاراي ينفەكتسييانىڭ جاڭا تولقىنى جٷرۋٸ ىقتيمال ەكەندٸگٸن مەلٸمدەدٸ. ٶتكەن 24 ساعات ٸشٸندە ەلدە تاعى 891 ادام قايتىس بولىپ, 12,8 مىڭ ناۋقاس انىقتالدى.
پورتۋگالييانىڭ 72 جاستاعى پرەزيدەنتٸ مارسەل رەبەر دە سوۋزاعا كوروناۆيرۋس دياگنوزى قويىلدى. ونىڭ بيلٸك ەتۋ مەرزٸمٸ جاقىندا اياقتالادى. ول سىرقاتتانۋىنا بايلانىستى سوڭعى كەزدەسۋلەر مەن ٸس-شارالاردان باس تارتۋعا مەجبٷر بولدى. 24 قاڭتاردا ەلدە سايلاۋ ٶتەدٸ جەنە قازٸرگٸ ۋاقىتتا كانديداتتاردىڭ سايلاۋالدى ناۋقانى جٷرٸپ جاتىر. جۋىردا دە سوۋزا مەن ونىڭ قارسىلاستارى تەلەدەباتتارعا قاتىسقان بولاتىن.
ەۋروپالىق وداقتىڭ فارماتسەۆتيكالىق رەتتەگٸشتەرٸ 29 قاڭتاردا AstraZeneca/Oxford ۆاكتسيناسىن قولدانۋدى ماقۇلداۋى مٷمكٸن.
اقش كونگرەسٸندەگٸ بٷلٸكتەن كەيٸنگٸ كوۆيد
نيۋ-دجەرسي كونگرەسسمەنٸ بونني ۋوتسون كوۋلمەن ٶزٸنٸڭ پاراقشاسىندا كوروناۆيرۋسقا تااسىرعان اناليزٸ وڭ شىققانىن جەنە ونى 6 قاڭتاردا كاپيتولييدەگٸ تەرتٸپسٸزدٸكتەرمەن بايلانىستىراتىنىن جازدى. 75 جاستاعى كوۋلمەننٸڭ ايتۋىنشا, ول ٸندەتتٸ كاپيتولييدە بٷلٸك شىعارعان ادامداردان جۇقتىرعان.
دونالد ترامپتىڭ جاقتاستارىنىڭ باسىم كٶپشٸلٸگٸ ماسكاسىز بولعاندىقتان, كوۋلمەن ەرٸپتەستەرٸمەن بٸرگە الىسىراق كابينەتتەردە جاسىرىنۋعا مەجبٷر بولعان.
اقش ەلەمدە ۆيرۋس جۇقتىرعاندار مەن ٶلگەندەر سانى بويىنشا كٶش باستاپ كەلەدٸ – سەيكەسٸنشە 22,6 ميلليون جەنە 376,2 مىڭ.
امەريكانىڭ حايۋاناتتار باعىندا گوريللالار اۋىرىپ قالدى
سان-ديەگونىڭ سافاري باعىندا سەگٸز گوريللا كوروناۆيرۋس جۇقتىردى. بۇل ەلەمدەگٸ حايۋاناتتار باعىندا پريماتتاردا Covid-19-دىڭ راستالعان العاشقى جاعدايى. كەيبٸر گوريللالاردا سيمپتومدار, جٶتەل بار, بٸراق ولاردىڭ اراسىندا اۋىر ناۋقاستار جوق. كوروناۆيرۋسقا تەستٸڭ وڭ نەتيجەسٸ تەك بٸر مايمىلدا شىققان. الايدا بارلىق سەگٸز جانۋار ۆيرۋس جۇقتىرعان بولۋى مٷمكٸن. گوريللالار كوروناۆيرۋستى ولاردى كٷتۋشٸ ادامنان جۇقتىرعان دەپ بولجانادى.
ەلەمدە تاعى نە بولىپ جاتىر
مالايزييا كورولٸ ەل-سۇلتان ابدۋللا II ەپيدەميولوگييالىق جاعدايدىڭ كٷرت ناشارلاۋىنا بايلانىستى ەلدە تٶتەنشە جاعداي جارييالادى. كورول سارايىنىڭ رەسمي حابارلاماسىندا ايتىلعانداي, ول 1 تامىزعا دەيٸن جالعاسادى. ەگەر ينفەكتسييانىڭ تارالۋى ايتارلىقتاي تٶمەندەسە, تج رەجيمٸ ەرتەرەك توقتالۋى مٷمكٸن.
تٶتەنشە جاعداي رەجيمٸ ەلدە سوڭعى 50 جىلدا العاش رەت ەنگٸزٸلٸپ وتىر. مۇنداي شارانى ەنگٸزۋدٸ وسى لاۋازىمدى بٸر جىل بۇرىن اتقارعان پرەمەر-مينيستر مۋحيددين ياسين ۇسىنعان بولاتىن.
دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, مالايزييادا پاندەمييا كەزٸندە 138,2 مىڭ ادام اۋىرىپ, 555 ادام قايتىس بولدى.
سەيسەنبٸدە قىتاي بيلٸگٸ بەيجٸڭگە جاقىن اۋدانداردا قوسىمشا كارانتين شارالارىن ەنگٸزدٸ. اتاپ ايتقاندا, لوكداۋن جارييالانعان اۋماقتاردا حەبەي پروۆينتسيياسىنىڭ 4,9 ميلليون حالقى تۇرادى. ولاردىڭ بارلىعى جاقىن كٷندەرٸ Covid-19 سىناقتارىنان ٶتۋٸ كەرەك.
ليۆان 11 كٷنگە تەۋلٸك بويى كومەندانتتىق ساعات ەنگٸزەدٸ. جەرگٸلٸكتٸ ۋاقىت بويىنشا بەيسەنبٸ كٷنٸ تاڭعى ساعات 5-تەن باستاپ ليۆاندىقتار, تٸپتٸ تاماق الۋ ٷشٸن دە كٶشەگە شىعا المايدى. بارلىق ساتىپ الۋلار جەتكٸزۋ قىزمەتتەرٸ ارقىلى جٷزەگە اسىرىلادى. كٶشەگە شىعۋعا تەك تٶتەنشە جاعدايلار قىزمەتكەرلەرٸ مەن جٷرگٸزۋشٸلەرگە عانا رۇقسات بەرٸلەدٸ.
