قىزىلوردا وبلىسىندا كوروناۆيرۋس دياگنوزى قويىلعان ٷش ناۋقاستىڭ قانداي اۋداننان ەكەنٸ انىقتالدى, دەپ حابارلايدى "ۇلت اقپارات".
بۇل جٶنٸندە قىزىلوردا وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ مەلٸم ەتتٸ. ناۋقاستاردىڭ 2-ٸ شيەلٸ اۋدانىنان بولسا, 1-ٸ جاڭاقورعان اۋدانىندا تۇرادى. ولاردىڭ بارلىعى بۇرىن كارانتيندٸك باقىلاۋدا بولعان ازاماتتار.
قازٸرگٸ ۋاقىتتا وبلىس بويىنشا 119 ناۋقاس بار. ايتا كەتەرلٸگٸ, وبلىستا ناۋقاستارمەن قارىم-قاتىناستا بولعان 1449 ادام انىقتالعان. ونىڭ 802-ٸ جاقىن قارىم-قاتناستا بولعاندار, 647-ٸ پروۆيزورلىق بايلانىستا بولعان ازاماتتار.
«وبلىس بويىنشا ينفەكتسييالىق ستاتسيونارعا - 119, پروۆيزورلىق ستاتسيونارعا - 57, كارانتيندٸك ستاتسيونارعا -556 ازامات جاتقىزىلعان. ولاردىع جالپى سانى 731 ادامدى قۇرايدى. قازٸر وبلىستا 1-ب كاتەگوريياسى ەلدەرٸنەن كەلگەن 46 ادام بار, ولار 5-ٸ كارانتيندە, 41-ٸ ٷي جاعدايىندا باقىلاۋعا الىنعان», - دەدٸ ج.ابداسامەتوۆ.
ەسكە سالا كەتەيٸك, قازٸر قىزىلوردا قالاسى مەن بٸرقاتار اۋدانداردا شەكتەۋ شارالارى ەنگٸزٸلٸپ, كارانتين جارييالانعان.
