جامبىل وبلىسى ەكٸمدٸگٸ دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ ٶكق اقپارات الاڭىندا كوروناۆيرۋس ٸندەتٸنٸڭ الدىن الۋ, پروفيلاكتيكالىق شارالار تۋرالى بايانداپ بەردٸ, دەپ حابارلايدى "ۇلت اقپارات".
سپيكەردٸڭ ايتۋىنشا, جامبىل وبلىسى ەكٸمٸنٸڭ ٶكٸمٸمەن وبلىستىق كوميسسييا قۇرامى, ونىڭ جوسپارى مەن جۇمىس الگوريتمٸ مەن مٸندەتتەرٸ بەكٸتٸلگەن. بارلىق مەديتسينالىق ۇيىمدار كوروناۆيرۋستى ينفەكتسييامەن اۋىراتىن ناۋقاستاردى قابىلداۋعا جەنە ەمدەۋگە, سونداي-اق ستاتسيونارلىق جاعدايدا كارانتينگە وقشاۋلاۋعا دايىن.
«بارلىق ەمدەۋ, الدىن الۋ مەكەمەلەرٸندە مەديتسينا قىزمەتكەرلەرٸ ٷشٸن سانيتارلىق اۆتوترانسپورتتىڭ, جەكە قورعانۋ قۇرالدارىنىڭ, دەزينفەكتسييالىق پرەپاراتتاردىڭ, دەرٸلٸك زاتتاردىڭ قاجەتتٸ قورىنىڭ بولۋى قامتاماسىز ەتٸلگەن. 1040 تٶسەكتٸك تٶسەك قورى دايىندالدى, ونىڭ ٸشٸندەگٸ 400-ٸ - اۋرۋلاردى ەمدەۋ ٷشٸن, 640 تٶسەك - كارانتين ٷشٸن. ەمدەۋ-الدىن الۋ ٸس-شارالارىن ۇيىمداستىرۋ جەنە ٶتكٸزۋ ٷشٸن جوعارىدا كٶرسەتٸلگەن نىسانداردا 610 جوعارى بٸلٸكتٸ ارنايى وقىتىلعان مەديتسينا قىزمەتكەرٸ جۇمىلدىرىلدى», - دەدٸ باسقارما باسشىسى.
بٷگٸنگٸ تاڭدا وبلىس اۋماعىنا باسقا ەلدەردەن كەلۋشٸلەرگە تيٸستٸ مەديتسينالىق باقىلاۋ مونيتورينگٸ جٷرگٸزٸلۋدە. 17 ناۋرىزداعى جاعداي بويىنشا وبلىس اۋماعىندا 1 ا ساناتتاعى ەلدەردەن (قحر, يران, وڭتٷستٸك كورەيا, يتالييا) كەلگەن 11 ازامات كارانتينگە جاتقىزىلدى. بارلىق وقشاۋلانعانداردىڭ دەنساۋلىق جاعدايى قاناعاتتانارلىق. ال, 1 ب ساناتتاعى ەلدەردەن (فرانتسييا, گەرمانييا, يسپانييا) ٷي كارانتينٸنە 9 ادام الىندى. 2 ساناتتاعى ەلدەردەن (شۆەيتسارييا, ۇلىبريتانييا, نيدەرلاند) كەلگەن ازاماتتار جوق. بۇل جۇمىس كٷندەلٸكتٸ, تيٸستٸ باقىلاۋدا جەنە ەرٸ قاراي جالعاسۋدا.
