قازاقستاننىڭ رەپرودۋكتيۆتٸ مەديتسينا قاۋىمداستىعىنىڭ پرەزيدەنتٸ, پروفەسسور ۆياچەسلاۆ لوكشين ەلٸمٸزدەگٸ كوروناۆيرۋس پاندەميياسىنىڭ تارالۋىنا قاتىستى ويىمەن بٶلٸستٸ, دەپ حابارلايدى قازاقپارات.
«سوڭعى بٸرنەشە اپتا بويى احۋال بٸرشاما تۇراقتى بولىپ تۇر. مۇنداي جايت قاۋٸپسٸزدٸك شارالارىن ساقتاۋدى باقىلاۋعا الۋمەن بايلانىستى سيياقتى. قازاقستاننىڭ سولتٷستٸگٸندە احۋالدىڭ ايتارلىقتاي تۇراقتانعانىن بايقاپ وتىرمىز. دەگەنمەن, جەلتوقساننىڭ سوڭى مەن قاڭتاردىڭ باسىندا كوروناۆيرۋستىڭ ٶرشۋٸنەن جالتارا المايتىن سيياقتىمىز. ٶيتكەنٸ, تىيىم شارالارىن بۇزۋ كٶپ كەزدەسۋٸ ىقتيمال. ياعني ادامدار جاڭاجىلدىق مەرەكەلەردٸ اتاپ ٶتۋگە تىرىسارى انىق», - دەدٸ ۆياچەسلاۆ لوكشين.
ونىڭ ايتۋىنشا, قازٸرگٸ ۋاقىتتا ەلەۋمەتتٸك اراقاشىقتىقتى بارىنشا ساقتاپ, ماسكا تاعۋ, گيگيەنالىق ساقتىق شارالارىن مٷلتٸكسٸز ورىنداۋ ماڭىزدى مٸندەت سانالادى.
«ٶكٸنٸشكە قاراي, كٶپشٸلٸك مۇنى ساقتاي بەرمەيدٸ. سول سەبەپتٸ حالىققا ٷنەمٸ جٷگٸنٸپ, قاۋٸپسٸزدٸك شارالارىن ساقتاۋ ماڭىزدىعىن تٷسٸندٸرٸپ وتىرعان جٶن. ەۋروپادا, رەسەيدە احۋالدىڭ قالاي بولجاپ بولمايتىن جاعدايدا دامىعانىن, ٶرشٸگەنٸن كٶرٸپ وتىرمىز. مٸنە, وسىعان بايلانىستى اۋرۋ جۇقتىرۋدىڭ ٶسٸمٸ قالاي دەسەك تە قاڭتاردىڭ باسىندا نەمەسە جەلتوقساننىڭ سوڭىندا ارتۋى مٷمكٸن. بٸراق, بەرٸ تٸكەلەي ٶزٸمٸزگە بايلانىستى. ەگەر بارىنشا قاتاڭ شارالارمەن ادامداردىڭ ٶزارا بايلانىسىن شەكتەي الساق, وندا پاندەمييا تولقىنى بارىنشا جۇمساق ٶتەرٸ انىق. بۇعان قوسا, ماۋسىم-شٸلدە ايلارىندا اۋرۋدىڭ رەسمي تٸركەلگەن كٶرسەتكٸشتەن 10 ەسە جوعارى بولۋى ەسەبٸنەن ۇجىمدىق يممۋنيتەت بٸرتٸندەپ قالىپتاسىپ كەلە جاتىر. ول كەزدە ادامداردىڭ باسىم بٶلٸگٸ اۋرىپ قالسا دا مەديتسينالىق كٶمەككە جٷگٸنبەدٸ, تٸپتٸ تەكسەرۋدەن دە ٶتپەدٸ. ٷيلەرٸندە ەم الدى», - دەدٸ ساراپشى.
سونىمەن قاتار قازاقستاننىڭ رەپرودۋكتيۆتٸ مەديتسينا قاۋىمداستىعىنىڭ پرەزيدەنتٸ حالىقتى جاپپاي ۆاكتسيناتسييالاۋعا قاتىستى پٸكٸرٸمەن بٶلٸستٸ.
«ۆاكتسيناتسييانىڭ بٸرتٸندەپ باستالۋى ٶتە جاقسى. بٸراق, ۆاكتسيناعا قاتىستى تۋىنداپ وتىرعان مەسەلە ٶتە كٶپ. ۆاكتسينا سالىنعان كەزەڭدە جەنە ونىڭ ەسەرٸ باستالعان ۋاقىتتا ادامداردىڭ اۋىرىپ قالعان جاعدايلارى بولدى. دەمەك, بۇل پروبلەمانى تەز ارادا شەشۋ ەمەس. ەرينە, ۆاكتسينا جاقسى. بٸراق, قانداي ۆاكتسينانىڭ بارىنشا ساپالى ەكەندٸگٸن ۋاقىت كٶرسەتەدٸ. ەزٸرشە رەسەيلٸك ۆاكتسينا بٸرنەشە ونداعان مىڭ ادامعا عانا ەگٸلگەن. الايدا, بۇل ۆاكتسينانىڭ جاقسى, تيٸمدٸ ەكەندٸگٸن تولىقتاي تٷسٸنۋگە جەتكٸلٸكسٸز. رەسەيدە چۋمكوۆ اتىنداعى ورتالىق ٷشٸنشٸ ۆاكتسينا دايىنداپ جاتىر. Pfizer ٶز ۆاكتسيناسىن قازاقستاندا تٸركەۋگە ٷمٸتتٸ. مەنٸڭشە, 2021 جىلدىڭ جاز ايلارىنا قاراي احۋال تۇراقتاناتىن بولادى. ۆاكتسيناتسييالاۋ ەڭ الدىمەن دەرٸگەرلەرگە, قارت ادامدارعا جٷرگٸزٸلەدٸ. ال بۇل ٶتە جىلدام ورىندالاتىن جۇمىس ەمەس. ٶيتكەنٸ, سٶز ميللياردتاعان ادامنىڭ ٶمٸرٸ جايىندا بولىپ وتىر. سوندىقتان ارقانى كەڭگە سالىپ, ەركٸنسۋگە بولمايدى», - دەدٸ ۆياچەسلاۆ لوكشين.
