سەنبٸ كەشٸندە نيدەرلاند پوليتسيياسى 100-دەن استام ادامنىڭ قاتىسۋىمەن ٶتكەن ٷيلەنۋ تويىن توقتاتتى, دەپ حابارلايدى "ۇلت اقپارات" NLTimes اگەنتتٸگٸنە سٸلتەمە جاساپ.
وتباسىلىق شارا ەلدٸڭ شىعىسىنداعى درۋتەن قالاسىندا ٶتتٸ. بۇعان دەيٸن نيدەرلاند بيلٸگٸ COVID-19 كوروناۆيرۋسىنىڭ تارالۋىنا جول بەرمەۋ ٷشٸن 100-دەن استام ادامنىڭ قاتىسۋىمەن ٶتەتٸن كٶپشٸلٸك ٸس-شارالاردى ٶتكٸزۋگە تىيىم سالعان.
الايدا, توي ۇيىمداستىرۋشىلارى قوناقتار سانىن قىسقارتقان سوڭ پوليتسييا شارانى جالعاستىرۋعا رۇقسات بەردٸ. ەندٸ ولار ايىپپۇل تٶلەپ قۇتىلادى نەمەسە ٶزگە دە جاۋاپقا تارتىلۋى مٷمكٸن.
اتاپ ٶتەيٸك, جەكسەنبٸ كٷنٸ نيدەرلاند ٷكٸمەتٸ كوروناۆيرۋستى توقتاتۋ بويىنشا قوسىمشا ٸس-شارالاردى قابىلدادى. ەندٸ مەكتەپتەر مەن بالالار مەكەمەلەرٸ 6 سەۋٸرگە دەيٸن جابىلادى. سونداي-اق قوعامدىق تاماقتانۋ ورىندارى, سپورتتىق كلۋبتار دا جۇمىسىن توقتاتادى.
جەكسەنبٸدە ەل بيلٸگٸ كوروناۆيرۋس جۇقتىرعاندار سانى 1135 ادامعا جەتكەنٸن حابارلاعان. قازٸرگٸ كەزدە نيدەرلاندتا قاۋٸپتٸ ۆيرۋستان كٶز جۇمعاندار سانى – 20 ادام.
