Senbi keshinde Niderland politsiiasy 100-den astam adamnyń qatysýymen ótken úilený toiyn toqtatty, dep habarlaidy "Ult aqparat" NLTimes agenttigine silteme jasap.
Otbasylyq shara eldiń shyǵysyndaǵy Drýten qalasynda ótti. Buǵan deiin Niderland biligi COVID-19 koronavirýsynyń taralýyna jol bermeý úshin 100-den astam adamnyń qatysýymen ótetin kópshilik is-sharalardy ótkizýge tyiym salǵan.
Alaida, toi uiymdastyrýshylary qonaqtar sanyn qysqartqan soń politsiia sharany jalǵastyrýǵa ruqsat berdi. Endi olar aiyppul tólep qutylady nemese ózge de jaýapqa tartylýy múmkin.
Atap óteiik, jeksenbi kúni Niderland úkimeti koronavirýsty toqtatý boiynsha qosymsha is-sharalardy qabyldady. Endi mektepter men balalar mekemeleri 6 sáýirge deiin jabylady. Sondai-aq qoǵamdyq tamaqtaný oryndary, sporttyq klýbtar da jumysyn toqtatady.
Jeksenbide el biligi koronavirýs juqtyrǵandar sany 1135 adamǵa jetkenin habarlaǵan. Qazirgi kezde Niderlandta qaýipti virýstan kóz jumǵandar sany – 20 adam.
