قر پرەمەر-مينيسترٸ اسقار مامين قازاقستاندىقتاردى جاڭا جىلمەن قۇتتىقتادى, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
***
قۇرمەتتٸ قازاقستاندىقتار, بارشاڭىزدى جاڭا 2021 جىلمەن شىن جٷرەكتەن قۇتتىقتايمىن! جاڭا جىل – ٶتكەن جىلدى قورىتىندىلاپ, تابالدىرىقتان ەندٸ اتتاعان جىلعا جوسپار قۇرۋعا جەتەلەيتٸن شۋاقتى مەرەكە.
ادامداردىڭ كٷندەلٸكتٸ ٶمٸرٸ مەن ەكونوميكاعا ايتارلىقتاي كەرٸ ەسەرٸن تيگٸزگەن 2020 جىل بٷكٸل ەلەم ەلدەرٸمەن بٸرگە بٸزدٸڭ ەلٸمٸز ٷشٸن دە قيىن-قىستاۋ كەزەڭ بولدى. كوروناۆيرۋس پاندەميياسى حالقىمىزعا عانا ەمەس, مەملەكەتتٸك بيلٸك ينستيتۋتتارى مەن بيزنەس ٷشٸن دە اۋىر سىناققا اينالدى. 2020 جىلى قازاقستاندىقتار قاۋٸپتٸ ٸندەتپەن بەل شەشە كٷرەسٸپ قانا قويماي, ونىڭ ەلٸمٸزدٸڭ ەلەۋمەتتٸك-ەكونوميكالىق دامۋىنا ەسەرٸن بارىنشا ازايتۋ بويىنشا اۋقىمدى جۇمىس جٷرگٸزدٸ. نەتيجەسٸندە, قازاقستان ۇلتتىق ەكونوميكاسىنىڭ تۇراقتىلىعى مەن دامۋىنىڭ زور ەلەۋەتٸن كٶرسەتە وتىرىپ, قيىندىقتاردىڭ بارلىعىن لايىقتى ەڭسەرە بٸلدٸ.
بيىل دا الدىمىزدا ەلٸمٸزدٸڭ ەلەۋمەتتٸك-ەكونوميكالىق دامۋىن, قازاقستاندىقتاردىڭ ەل-اۋقاتى مەن ٶمٸر سٷرۋ ساپاسىن ارتتىرۋ بويىنشا اۋقىمدى ٸستەر كٷتٸپ تۇر. ٶز كٷشٸمٸزگە دەگەن سەنٸمدٸلٸك, ىنتا مەن جاۋاپكەرشٸلٸك, الماعايىپ ەلەمدەگٸ ٶزگەرٸستەر لەبٸنەن قالىس قالماۋ, جاڭا قۇزىرەتتەردٸ يگەرۋ, ەڭبەكسٷيگٸشتٸك پەن تاباندىلىق بٸزدٸڭ ويعا العان جوسپارلارىمىزدى ٸسكە اسىرىپ, ماقسات-مۇراتىمىزعا جەتكٸزەتٸنٸنە سەنٸمدٸمٸن!
قازاقستاندىقتارعا شىن جٷرەگٸمنەن مىقتى دەنساۋلىق, سەنٸم مەن سەتتٸلٸك تٸلەيمٸن! شۋاقتى مەرەكە ەر وتباسىنا جىلىلىق پەن قۇت-بەرەكە سىيلاسىن!
.jpeg)