ٶتكەن تەۋلٸكتە قازاقستاندا كوروناۆيرۋس ينفەكتسيياسى پتر تەستٸمەن دەلەلدەنگەن 1 548 ادام تٸركەلدٸ. "قىزىل ايماقتا" تۇرعان استانادا ەڭ كٶپ ناۋقاس – 235 ادام تٸركەۋگە الىنعان. قالانى قورشاپ جاتقان اقمولا وبلىسىندا Covid جۇقتىرعان 209 كٸسٸ ساناققا كٸردٸ.
قازاقستاننىڭ ەڭ ٷلكەن قالاسى – الماتىدا كوروناۆيرۋس ينفەكتسيياسى 130 ادامعا جۇققان.
رەسەيمەن شەكتەسەتٸن بٸرنەشە ايماقتا ٸندەت ٶرشٸپ تۇر. قاۋپٸ بويىنشا "قىزىل ايماققا" جاتقىزىلعان پاۆلودار وبلىسىندا 226, قوستانايدا – 170, سولتٷستٸك قازاقستاندا – 116, اتىراۋدا – 104, باتىس قازاقستاندا – 74, شىعىس قازاقستاندا – 52 ناۋقاس تٸركەلدٸ.
الماتى وبلىسىندا – 83, قاراعاندى وبلىسىندا – 78, جامبىلدا – 27, ماڭعىستاۋ, اقتٶبە جەنە تٷركٸستان وبلىستارىندا 11 ناۋقاستان, شىمكەنتتە – 8, قىزىلوردا وبلىسىندا – 3 ادام كوروناۆيرۋسپەن تٸركەلدٸ.
ٶتكەن تەۋلٸكتە ٸندەتتەن 9 ادام قايتىس بولدى.
قازٸر 25 983 ادام كورونوۆيرۋس ينفەكتسيياسى مەن سوعان ۇقساس پنەۆمونييادان (14 277 كۆي+ جەنە 11 706 كۆي-) ەم الىپ جاتىر, ولاردىڭ ٸشٸندە 6 723 ناۋقاس ستاتسيوناردا. 302 ادامنىڭ جاعدايى اۋىر, 49 كٸسٸنٸڭ جاعدايى ٶتە اۋىر, ال 39 كٸسٸ ٶكپە جەلدەتكٸش اپپاراتقا قوسىلعان.
رەسمي مەلٸمەت بويىنشا, ٶتكەن جىلدىڭ 13 ناۋرىزىنان بەرٸ ەلدە 175 390 ادام كوروناۆيرۋس ينفەكتسيياسىن جۇقتىرعان. بۇعان "كوروناۆيرۋسقا ۇقساس پنەۆمونييا" دەرەگٸ كٸرمەيدٸ, قازاقستاننىڭ دەنساۋلىق ساقتاۋ مينيسترلٸگٸ مۇنداي ناۋقاستاردى تامىز ايىنان بەرٸ بٶلەك ساناپ كەلەدٸ. بىلتىر جازدىڭ العاشقى ەكٸ ايىندا ەلدە كوروناۆيرۋس تەستٸ كەرٸ نەتيجە بەرسە دە, سيمپتومدارى سوعان كەلەتٸن "تٷسٸنٸكسٸز" پنەۆمونييا ٸندەتٸ قاتتى ٶرشٸپ, بۇعان دٷنيەجٷزٸلٸك دەنساۋلىق ساقتاۋ ۇيىمى مەن حالىقارالىق اقپارات قۇرالدارى نازار اۋدارعان.
دەنساۋلىق ساقتاۋ مينيسترلٸگٸنٸڭ مەلٸمەتٸ بويىنشا, "كوروناۆيرۋسقا ۇقساس پنەۆمونييامەن" وسى كٷنگە دەيٸن 47 311 ادام تٸركەۋگە الىنعان, 550 كٸسٸ وسى ناۋقاستان كٶز جۇمعان. رەسمي مەلٸمەت بويىنشا, كوروناۆيرۋستىڭ ٶزٸنەن وسىعان دەيٸن 2 457 كٸسٸ قايتىس بولعان. بٸراق كەي ساراپشىلار مەن دەرٸگەرلەر ٸندەتتەن ٶلگەندەر سانى بۇدان ەلدەقايدا كٶپ دەپ توپشىلايدى.
دەنساۋلىق ساقتاۋ مينيسترلٸگٸ كوروناۆيرۋس پەن "سوعان ۇقساس پنەۆمونييا" دەرەگٸن بٶلەك جارييالايدى. ال امەريكاداعى دجونس حوپكينس ۋنيۆەرسيتەتٸ قازاقستان بەرگەن ەكٸ دەرەكتٸ قوسىپ, ەلدە 222 مىڭنان استام ادام Covid-پەن تٸركەلدٸ, 2,9 كٸسٸ قايتىس بولدى دەپ كٶرسەتكەن.
جالپى ەلەمدە كوروناۆيرۋس جۇقتىرعاندار سانى 100 ميلليونعا تاياپ قالدى. 2,1 ميلليونداي كٸسٸ وسى دەرتتەن كٶز جۇمدى.
