COVID-19 تەگٸن ەكسپرەسس تەستٸن تاپسىرۋعا ارنالعان ٶتٸنٸمدٸ Smart Astana قوسىمشاسىندا تولتىرۋعا بولادى. بۇل تۋرالى ەلوردا ەكٸمٸنٸڭ ورىنباسارى مەليكا بەكتۇروۆا Telegram-داعى پاراقشاسىندا مەلٸم ەتتٸ, دەپ حابارلايدى "ۇلت اقپارات".
«ول ٷشٸن نە ٸستەۋ كەرەك? بٸرٸنشٸدەن, سٸز Smart Astana موبيلدٸ قوسىمشاسىنداعى «مەديتسينا» بٶلٸمٸندە ساۋالنامانى تولتىرۋىڭىز كەرەك - «COVID-19 تەستٸنە تٸركەلۋ». ەكٸنشٸدەن, دەنساۋلىق ساقتاۋ مينيسترلٸگٸنٸڭ ەپيدەميولوگتارى ازاماتتاردى بەلگٸلٸ بٸر كٶرسەتكٸشتەر بويىنشا ٸرٸكتەيدٸ», - دەپ جازدى م. بەكتۇروۆا.
وسىدان كەيٸنگٸ ٷشٸنشٸ ساتىدا ٶتٸنٸم راستالۋىن كٷتۋ كەرەك.
«تٶرتٸنشٸسٸ – «كدل وليمپ» وپەراتورلارى سٸزگە قوڭىراۋ شالىپ, ەمدەۋ بٶلمەسٸنە بارۋ ۋاقىتى, ورنى مەن كٷنٸن جوسپارلايدى. ايتپاقشى, سٸزگە بەتپەردە كيٸپ, جەكە كۋەلٸكپەن كٸرۋ كەرەك, ٶيتكەنٸ كٸرۋ تەك تاعايىندالعان كەزدە بولادى. بەسٸنشٸسٸ - تالداۋ نەتيجەسٸ سٸز ساۋالنامادا كٶرسەتكەن ەلەكتروندىق پوشتاڭىزعا جٸبەرٸلەدٸ», - دەپ تٷسٸندٸردٸ قالا ەكٸمٸنٸڭ ورىنباسارى.
