نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا كوروناۆيرۋس جۇقتىرعان ناۋقاستاردى ەمدەۋ قاعيدالارى جٶنٸندە ايتىپ بەردٸ, دەپ حابارلايدى قازاقپارات.
«بۇل ستاتسيونار قالانىڭ سىرتىندا, بٶلەك عيماراتتا اشىلعان. سوندىقتان, ٶزگە نوزولوگييالىق فورماداعى ناۋقاستار بٶلەك ستاتسيوناردا قارالادى. مەدقىزمەتكەرلەر قاۋٸپسٸزدٸك شارالارىن ساقتاۋ بويىنشا ارنايى وقىتۋدان ٶتكەن», - دەدٸ باسقارما باسشىسى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, اۋرۋدىڭ باستى بەلگٸلەرٸ - جوعارى تەمپەراتۋرا مەن جٶتەل بايقالسا, ٷيدە وتىرعان جٶن.
«مۇنداي بەلگٸلەرمەن مەديتسينالىق مەكەمەلەرگە بارماۋلارىڭىزدى سۇرايمىز. ونىڭ ورنىنا كولل-ورتالىققا نەمەسە جەدەل جەردەم قىزمەتٸنە حابارلاسىپ, كەڭەس الىڭىز. كورەيادا جاڭا ينفەكتسييانى جۇقتىرعان ناۋقاستار ەمحاناعا كەلٸپ, تۇتاس كلينيكالاردى قىزمەتكەرلەرٸمەن, كەزەك كٷتكەن ادامدارمەن بٸرگە كارانتينگە جاپقان وقيعالار بولدى. بۇل تەجٸريبە بٸزدٸڭ دە مەديتسينالىق ۇيىمداردا قولدانىلادى. سوندىقتان, بٸزدٸڭ كەڭەستەردٸ قاتاڭ ۇستانۋدى سۇرايمىز», - دەدٸ س. قيسىقوۆا.
بۇعان دەيٸن قر دەنساۋلىق ساقتاۋ مينيسترٸ ەلجان بٸرتانوۆ ەلوردادا كوروناۆيرۋس جۇقتىرعان ٷشٸنشٸ ادامنىڭ انىقتالعانىن حابارلادى. قازاقستاندىق ەيەل 12 ناۋرىز كٷنٸ ميلان-مەسكەۋ-نۇر-سۇلتان رەيسٸنەن تٷسٸرٸلٸپ, نۇر-سۇلتان قالاسىنداعى كٶپبەيٸندٸ مەديتسينالىق ورتالىقتىڭ كارانتيندٸك ستاتسيونارىنا جاتقىزىلعان.
سونداي-اق, ناۋقاسپەن بٸر ۇشاقتا بولعان 20 جولاۋشى اۋرۋحاناعا جاتقىزىلدى.
