بوريس دجونسون اۋرۋ جۇقتىرعاندار سانىنىڭ تۇراقتى ٶسۋٸنە بايلانىستى انگلييادا ەپيدەميولوگييالىق شارالاردىڭ كٷشەيتٸلگەنٸن جارييا ەتتٸ. جاپونييادا جاپپاي ۆاكتسيناتسييا قالىپتى ٶمٸرگە ورالۋعاكٶمەكتەسەدٸ دەپ ٷمٸتتەنەدٸ, بٸراق ەزٸرگە ەل استاناسىندا سovid-19 تەز تارالۋدا, تٸپتٸ مۇندا تٶتەنشە جاعداي جارييالانۋى مٷمكٸن. رەسەيدە سانكت-پەتەربۋرگتەگٸ ٸندەتكە شالدىعۋ جاعدايلارىنىڭ سانى العاش رەت مەسكەۋدەگٸدەن اسىپ تٷستٸ, دەپ حابارلايدى ۆۆس اگەنتتٸگٸ.
ۇلىبريتانييانىڭ پرەمەر-مينيسترٸ بوريس دجونسون تٷن ورتاسىنان باستاپ انگلييانىڭ بارلىق اۋماعىندا ەنگٸزٸلەتٸن جاڭا شەكتەۋ شارالارى تۋرالى جارييالادى.
انگليياداعى جاڭا ەرەجەلەر:
ناۋرىز ايىنداعى لوكداۋن سەكٸلدٸ تٶتەنشە جاعدايلاردى قوسپاعاندا, ادامدارعا ٷيدەن شىعۋعا تىيىم سالىنادى
تٶتەنشە جاعدايلارعا مەديتسينالىق قاجەتتٸلٸك, ازىق-تٷلٸك دٷكەنٸنە بارۋ, فيزيكالىق جاتتىعۋلار, سونداي-اق ٷيدەن جۇمىس ٸستەي المايتىندار ٷشٸن جۇمىسقا بارۋ كٸرەدٸ
سەيسەنبٸدەن باستاپ بارلىق مەكتەپ پەن كوللەدج (سيرەك جاعدايلاردى قوسپاعاندا) اقپان دەمالىسىنا دەيٸن قاشىقتان وقىتۋعا كٶشەدٸ بالاباقشا سيياقتى مەكتەپ جاسىنا دەيٸنگٸ بالالارعا ارنالعان مەكەمەلەر اشىق بولادى
الداعى جازدا جىلدىق ەمتيحاندار توقتاتىلادى (نەمەسە ارنايى ەرەجەلەر بويىنشا ٶتەدٸ)
ۋنيۆەرسيتەت ستۋدەنتتەرٸ دەمالىستان ستۋدەنتتٸك قالاشىقتارعا ورالمايدى جەنە وقۋدى قاشىقتان جالعاستىرادى
گولف الاڭدارى, تەننيس كورتتارى جەنە اشىق سپورت الاڭدارى سيياقتى اشىق سپورت نىساندارى جابىق بولادى
ەۋەسقوي سپورتشىلارعا ارنالعان ٸس-شارالار توقتاتىلادى, بٸراق كەسٸبي سپورتشىلارعا, سونىڭ ٸشٸندە فۋتبول پرەمەر-ليگاسىنا ويىندى جالعاستىرۋعا رۇقسات ەتٸلەدٸ
پرەمەر-مينيستردٸڭ ايتۋىنشا, ەگەر بەرٸ ويداعىداي بولسا, وندا اقپان ايىنىڭ ورتاسىندا تٶرت باسىم توپتىڭ بارلىق ٶكٸلٸ (وعان قارتتار ٷيٸندە تۇراتىندار مەن وسى مەكەمەلەردٸڭ قىزمەتكەرلەرٸ, 70 جاستان اسقان ادامدار جەنە مەديتسينا قىزمەتكەرلەرٸ كٸرەدٸ) ۆاكتسينانىڭ العاشقى دوزاسىن الادى.
بيلٸكتٸڭ ايتۋىنشا, بۇل جوعارى تەۋەكەل توبىنا كٸرەتٸن ادامداردى قورعايدى جەنە وسىلايشا بٸرقاتار شەكتەۋلەردٸ الىپ تاستاۋعا كٶمەكتەسەدٸ.
بريتانييادا جەتٸنشٸ كٷن قاتارىنان كٷنٸنە 50 مىڭنان استام جاڭا جاعدايلار تٸركەلۋدە.تٸپتٸ كەشە 58 مىڭ ٸندەتكە شالدىعۋ جاعدايى تٸركەلٸپ, رەكورد ورنادى. دٷيسەنبٸ كٷنٸ انگلييا اۋرۋحانالارىنىڭ ٶزٸندە كوروناۆيرۋس جۇقتىرعان 26 مىڭنان استام پاتسيەنت بولدى.
وكسفورد ۆاكتسيناسى
ۇلىبريتانييا قالىپتى ٶمٸرگە ورالۋ ٷمٸتٸن جوعالتپايدى. ال بۇل ٷمٸت حالىقتى جاپپاي ۆاكتسيناتسييالاۋمەن, اتاپ ايتقاندا وكسفورد ۋنيۆەرسيتەتٸ مەن AstraZeneca كومپانيياسى ەزٸرلەگەن پرەپاراتتى قولدانۋمەن بايلانىستى. ۇلىبريتانييا بۇل ۆاكتسينانى قولدانۋدى ماقۇلداعان جەنە ونى قولدانۋدى باستاعان ەلەمدەگٸ العاشقى ەل بولدى.
دٷيسەنبٸدە وكسفورد ۆاكتسيناسىن العان ەلەمدەگٸ العاشقى پاتسيەنت 82 جاستاعى برايان پينكەر بولدى, ونىڭ بٷيرەگٸندە اقاۋ بار. ول وكسفورد اۋرۋحاناسىندا گەمودياليزدە. ۆاكتسيناتسييادان كەيٸن ول اقپان ايىندا ەيەلٸ شيرليمەن بٸرگە ٷيلەنۋ تويىنىڭ 48 جىلدىعىن اتاپ ٶتەتٸنٸنە ٷمٸت بٸلدٸردٸ.
ۇلىبريتانييادا قازٸردٸڭ ٶزٸندە جاڭا ۆاكتسينانىڭ 530 مىڭ دوزاسى بار. حەنكوك دٷيسەنبٸدە حابارلاعانداي, ەلدە 700 ەگۋ ورتالىعى اشىلدى, ال اپتانىڭ سوڭىندا ولاردىڭ سانى 1 مىڭنان اسۋى كەرەك. بوريس دجونسون جەكسەنبٸدە الداعى ايلاردا ونداعان ميلليون بريتاندىق ۆاكتسيناتسييالاناتىنىن اتاپ ٶتتٸ.
ۇلىبريتانييا وكسفورد ۆاكتسيناسىنىڭ 100 ميلليون دوزاسىنا تاپسىرىس بەردٸ. بۇل 50 ميلليون ادامدى ۆاكتسيناتسييالاۋعا جەتكٸلٸكتٸ.
رەسەي: پەتەربۋرگتە اۋىرعاندار سانى
مەسكەۋدەگٸدەن دە اسىپ تٷستٸ, باسيلاشۆيلي كوروناۆيرۋس جۇقتىردى رەسەيدە جەدەل شتابتىڭ مەلٸمەتٸنشە 19 قاراشادان بەرٸ العاش رەت تەۋلٸكتٸك ٶسٸم 24 مىڭنان از كٶرسەتكٸشتٸ 23 351-دٸ كٶرسەتتٸ.
سانكت-پەتەربۋرگتە اۋىرعاندار سانى العاش رەت مەسكەۋدە انىقتالعان جاعدايلاردان اسىپ تٷستٸ. سانكت-پەتەربۋرگتە 3657 جاڭا جاعداي تٸركەلسە, ەل استاناسىندا 3591 جاڭا دەرەك انىقتالدى. رەسەيدە كوروناۆيرۋسقا شالدىققانداردىڭ جالپى سانى 3,2 ملن-نان استى. سانكت-پەتەربۋرگتە اۋرۋعا شالدىققاندار اراسىندا رەسەيدٸڭ حالىق ەرتٸسٸ ولەگ باسيلاشۆيلي دە بار. ٶتكەن دەمالىس كٷندەرٸ ول ەيەلٸمەن بٸرگە اۋرۋحاناعا جاتقىزىلدى.
توكيو تٶتەنشە جاعداي جارييالاۋعا دايىندالىپ جاتىر
جاپونييادا ينفەكتسييا جۇقتىرعاندار سانىنىڭ كٷرت ارتۋىنا بايلانىستى توكيو مەن ونىڭ ماڭىنداعى قالالاردا تٶتەنشە جاعداي جارييالانۋى مٷمكٸن.
NHK حابار تاراتۋ كورپوراتسيياسىنىڭ حابارلاۋىنشا, جاپونييادا 31 جەلتوقساندا اۋرۋعا شالدىعۋ جاعدايلارىنىڭ رەكوردتىق ٶسٸمٸ, ياعني 4520 وقيعا تٸركەلسە, جەكسەنبٸدە 3158 وقيعا انىقتالعان.
بۇعان دەيٸن ەل بيلٸگٸ جاپپاي ۆاكتسيناتسييا باستالاتىنىن مەلٸمدەگەن.
