بەيسەنبٸ كٷنٸ كوروناۆيرۋستان جازىلىپ شىققان ادامداردىڭ سانى ەلەم بويىنشا 200 مىڭنان استى, بۇل ٸندەتتەن كٶز جۇمعانداردىڭ تٸركەلگەن سانىنان تٶرت ەسە كٶپ. Johns Hopkins University مەلٸمەتٸ بويىنشا, ەپيدەمييا بٷكٸل ەلەمدە 48 300 ادامنىڭ ٶمٸرٸن جالمادى, 202 541 ادام جازىلدى. اۋرۋ جۇقتىرعان ادامداردىڭ جالپى سانى 952 مىڭعا جۋىقتاعان, دەپ حابارلايدى "ۇلت اقپارات" Anadolu Agency اگەنتتٸگٸنە سٸلتەمە جاساپ.
ٸندەتتەن ايىققان ادامداردىڭ ەڭ كٶپ سانى – ۆيرۋس تاراعان وشاق قىتاي ەلٸندە تٸركەلدٸ (76 571 ادام). يسپانييادا 26 743 ادام ۆيرۋستى جەڭدٸ. گەرمانييادا جازىلىپ شىققاندار سانى - 19 175 ادام.
Johns Hopkins University مەلٸمەتٸنشە, بەيسەنبٸ كٷنگٸ جاعداي بويىنشا, قىتايدا كوروناۆيرۋس جۇقتىرۋدىڭ 82 400 وقيعاسى راستالدى, 3 322 ادام كٶز جۇمدى. يسپانييادا 10 مىڭنان استام ادام قايتىس بولعانى, 104 مىڭ ادام اۋرۋ جۇقتىرعانى اتاپ ٶتٸلەدٸ.
ٸ ندەتتەن يتالييادا ەڭ كٶپ ادام كٶز جۇمعان. كوروناۆيرۋس بۇل ەلدە 13 200-گە جۋىق ادامنىڭ ٶمٸرٸن قيىپ ەكەتتٸ, اۋرۋعا شالدىققانداردىڭ جالپى سانى 110 600 ادامعا جەتكەن. ٸندەتتٸ 16800 ادام جەڭٸپ شىققان. گەرمانييادا كوروناۆيرۋستان بٸر مىڭعا جۋىق ادام كٶز جۇمدى, 78 مىڭ ادام اۋرۋعا شالدىقتى.
سەرسەنبٸ كٷنگٸ مەلٸمەتتەر بويىنشا, فرانتسييادا ۆيرۋستان 4032 ادام قايتىس بولدى. ۆيرۋستى 58 مىڭعا جۋىق ادام جەڭٸپ شىققان.
ەلەمدە COVID-19 اۋرۋىن جۇقتىرۋدىڭ ەڭ كٶپ وقيعاسى اقش-تا تٸركەلگەن (217 مىڭعا جۋىق ادام). ەپيدەمييادان 8 670-تەن استام ادام ساۋىقتى, ەلدە اۋرۋدان كٶز جۇمعاندار سانى - 5130 ادام.
كٶپتەگەن ەلدەر كوروناۆيرۋس ەڭ كٶپ تاراعان ٶڭٸرلەرگە كٸرۋگە شەكتەۋ ەنگٸزٸپ, قاتاڭ وقشاۋلاۋ شارالارىن ەنگٸزدٸ, سەبەبٸ دٷنيەجٷزٸلٸك دەنساۋلىق ساقتاۋ ۇيىمى ۆيرۋستىڭ ٶرشۋٸن پاندەمييا دەپ جارييالاپ, ەۋروپانى – ٸندەتتٸڭ جاڭا وشاعى دەپ اتاعان.
