نۇر-سۇلتان قالاسىنىڭ ەكٸمدٸگٸ مەملەكەتتٸك اكادەمييالىق فيلارمونيياسىنىڭ «قورقىت» دەستٷرلٸ ساز توبى ٷزٸلٸسسٸز 75 شىعارما ورىنداپ, قازاقستاننىڭ گيننەسس رەكوردتار كٸتابىنا ەنۋدٸ جوسپارلاپ وتىر, دەپ حابارلايدى "ۇلت اقپارات".
فيلارمونييانىڭ باسپاسٶز قىزمەتٸنەن مەلٸم ەتكەندەي, شارا ۇلتتىق ٶنەردٸ ناسيحاتتاۋ ماقساتىندا جەنە التىن وردانىڭ 750 جىلدىق مەرەيتويى قارساڭىندا ٶتكٸزٸلەدٸ. ٶنەر ۇجىمى 17 اقپاندا «حان شاتىر» ساۋدا, ويىن-ساۋىق ورتالىعىندا ٶنەر كٶرسەتەدٸ.
«قورقىت» دەستٷرلٸ ساز توبىنىڭ كٶركەمدٸك جەتەكشٸسٸ, مەدەنيەت قايراتكەرٸ شولپان قورعانبەك وسىنداي كونتسەرتتٸڭ اقپاراتتىق-ەنتسيكلوپەدييالىق انىقتامالىققا لايىق ەكەندٸگٸنە سەنٸمدٸ: مۋزىكانتتار قازاقستاندا العاش رەت non-stop رەجٸمٸندە مۋزىكالىق شىعارمالاردى كٸدٸرٸسسٸز, بٸر دەممەن وينايدى.
«قورقىت» دەستٷرلٸ ساز توبىنىڭ قۇرامىنا قازاقتىڭ حالىق اسپاپتارىندا (قوبىز, قىلقوبىز, دومبىرا, سىرناي, مٷيٸز سىرناي, شاڭقوبىز, جەتٸگەن, شەرتەر, داۋىلپاز, ساز سىرناي, باس دومبىرا, سىبىزعى, سۋ اعاش, توقىلداق جەنە ت.ب.) وينايتىن تالانتتى ٶنەرپازدار جينالعان. ۇجىمنىڭ بٸرەگەيلٸگٸ - ونداعى ەربٸر ەرتٸستٸڭ بٸرنەشە اسپاپتى يگەرۋٸ. جاستاردى دەستٷرلٸ ەن ٶنەرٸنە باۋلۋ ەرتٸستەردٸڭ جەكە مۋزىكالىق ستيلٸن قالىپتاستىرۋعا, ٸزدەۋگە تالپىندىرادى. ۇجىم رەپەرتۋارىنىڭ نەگٸزٸن شولپان قورعانبەكتٸڭ اۆتورلىق ٶڭدەۋٸنەن ٶتكەن قازاق فولكلورىنىڭ جانرلارى, ياعني كٷي, جىر, تەرمە قۇرايدى. شەبەرلٸكپەن ٶندەلگەن حالىق مۋزىكاسى ونداعى بەينەلەر مەن سۇلۋلىقتى بارىنشا سۋرەتتەپ, جاڭاشا ٷن بەرەدٸ.
«قورقىت» دەستٷرلٸ ساز توبى ٶز شەبەرلٸگٸن ٷزدٸكسٸز ارتتىرۋعا دەگەن ۇمتىلىسىمەن ەرەكشەلەنەدٸ. ۇجىم – ايتۋلى رەسپۋبليكالىق جەنە حالىقارالىق مۋزىكالىق بايقاۋلار مەن فەستيۆالدەردٸڭ جەڭٸمپازدارى. توپتىڭ ۇجىمدىق شىعارماشىلىعى «عاسىرلار ٷنٸ» II ٶڭٸرارالىق فولكلورلىق-ەتنوگرافييالىق فەستيۆالٸندە, «شابىت» حح حالىقارالىق شىعارماشىل جاستار فەستيۆالٸندە, سونداي-اق «كٶنە تاراز كٷمبٸرٸ» ٸ رەسپۋبليكالىق ەتنو-فولكلورلىق انسامبلدەر فەستيۆالٸندە جٷلدەلٸ ورىنداردى يەلەنٸپ كەلەدٸ. جاقىندا عانا «قورقىت» كاتاردىڭ دوحا قالاسىندا ٶتكەن «Cultural Diversity» حالىقارالىق فەستيۆالٸنە قاتىستى.
